+12 °С
Ямғыр
Бөтә яңылыҡтар
Башҡорт теле һәм әҙәбиәте
24 Октябрь 2018, 12:25
Минән – йомаҡ, һеҙҙән – яуап
Башҡортостан йылғалары
Ирәмәлдән Өфөгәсә
Әкрен генә аға гел.
Илкәйемдә иң ҙур йылға
Ошо инде – ... (Ағиҙел).
***
Ҡыш көндәре, ныҡ һыуыҡта,
Ҡаплаһа ла ҡар үҙен,
Йырлап аға боҙ аҫтынан
Етеҙ һыулы ... (Ҡариҙел).
***
Тау башынан урғылып,
Бер шишмә аҫҡа елгән.
Йылға булып үҫтем, тип
Маһая бөгөн ... (Егән).
***
Иң саф һыулы йылға ниндәй?
Белмәһәң, бел: ул – ... (Еҙем).
Аквариум һымаҡ һыуҙа
Балыҡтай оҙаҡ йөҙҙөм.
***
Яйлап ҡына, дала иңләп,
Моңайып аға ... (Яйыҡ).
Урал тигән исем ҡушыу
Булғандыр, бәлки, яҙыҡ.
***
Һыу шаяртмай. Уяу бул һин,
Кәмәлә йөҙһәң, һаҡ бар.
Тик тәртипле малай-ҡыҙҙы
Ярата беҙҙең ... (Һаҡмар).
***
Һәлмәк аҡҡан был йылға ла
Мул һыулы булған элек.
Бар кешене, көләс балҡып,
Ҡаршылай һәр саҡ ... (Эйек).
***
Мөмкин түгел ғашиҡ булмау
Был һыуға бер күреүҙән.
Тулҡындарын ҡаға-ҡаға
Сапсып аға ... (Йүрүҙән).
***
Артыҡ ҙур йылга түгелмен,
Китмәй быға һис иҫем.
Эҫе булмаһа ла һыуым,
Исемем минең ... (Эҫем).
Был нимә?
Көнө-төнө, эй, ҡоторҙо – Ҡарға тулды бар урам.
Таң атыуға, бына ғәжәп:
Йоҡоға талған ... (буран).
***
Илай-илай килә был ай,
Ҡояш шуға йылмаймай.
Һыу сәсрәтеп йөрөй бирә
(Октябрь) ... атлы малай.
***
Аҡ ҡарҙарҙы тар-мар итеп,
Килә, ана, ... (апрель).
Әйтә кеүек: «Етер йоҡлау,
Уян, Тәбиғәт, терел!».
***
Утлы шарҙың
Нур-ҡамсыһы
Өтөп алды бит-тәнде.
Кис еткәс тә,
Офоҡтағы
Һандығына бикләнде. (Ҡояш.)
***
Ҡалай ҡарға бай ай март!
Ә бураны һуң, бураны!
Таң атҡансы ҡарға күмде
Йомарт ... (ел) бар ҡураны.
Нияз Сәлимов.
Читайте нас:
© 2020-2024 Сайт издания "Башҡортостан уҡытыусыһы" Копирование информации сайта разрешено только с письменного согласия администрации.
Теркәү тураһындағы ПИ ФС 77‑70646‑сы таныҡлыҡ 2017 йылдың 15 авгусында Элемтә, информацион технологиялар һәм киң мәғлүмәт сараларын күҙәтеү буйынса федераль хеҙмәт идаралығы тарафынан бирелде.
Ижтимағи-педагогик һәм фәнни-методик айлыҡ журнал Общественно-педагогический и научно-методический ежемесячный журнал. Издается с 1920 года. Главный редактор: Каримов С.Г.
Телефон
8(347) 292-77-63
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 10 этаж
Редакция
8(347) 292-77-63
Ҡабул итеү бүлмәһе
8(347) 292-77-63
Хеҙмәттәшлек
8(347) 292-77-63