Башҡорт ҡыҙы

Башҡорт ҡыҙы

Башҡорт ҡыҙы мин! Тимәк,
Ыласындай саямын!
Кемгәлер мин наҙлы, иркә,
Кемгәлер – таш ҡаямын!

Башҡорт ҡыҙы мин! Тимәк,
Барыһы килә ҡулдан:
Бесән сабам, өй төҙөшәм,
Үҫтерәм ҡыйыу улдар!

Башҡорт ҡыҙы мин! Тимәк,
Ут-һыуҙар аша киләм!
Теләһәм, һыбай елдерәм
Йә машинала еләм!

Башҡорт ҡыҙы мин! Тимәк,
Нәзәҡәтле, һылыумын!
Зөлхизә кеүек тыйнаҡмын,
Ете ҡыҙҙай ҡыйыумын!

Башҡорт ҡыҙы мин! Тимәк,
Һый менән өҫтәл тулыр,
Хатта ҡышын ҡар өҫтөндә
Ҡаҙаным ҡайнап торор!

Башҡорт ҡыҙы мин! Тимәк,
Йырлармын башҡорт көйөн!
Башҡорт рухына, теленә
Тулылыр минең өйөм!

Яҡты һағыш

Эй, ҡәләмем! Ниңә туҡтап ҡалдың?
Ниңә буш һин, ҡуйын дәфтәрем?
Ниңә килмәйһегеҙ һеҙ ярҙамға
Донъя матурлығын аңлата алмай,
Ҡойолғанда күҙҙән йәштәрем?...

Эй, илаһи, сабыр башҡорт теле!
Ҡайсаҡ һин дә ташлап китәһең...
Ҡояш байығанда йөрәгемдең
Шашып тулағанын аңлатырға,
Һүҙҙәр бирмәй, мәжнүн итәһең!

Эй, ҡоштарым! Ниңә тымдығыҙ һеҙ?
Бар тирә-яҡ моңға сумғанда,
Ергә ғашиҡ ҡояш, төн ҡаршылап,
Утлы ҡыҙыл толомдарын тарап,
Тау битенә һуҙып һалғанда.

Һеҙ ҙә минең кеүек моңға сәсәп,
Һағыштарҙа янып, тилереп,
Шул миҙгелдең ҡыҫҡа матурлығын
Йырға һала алмай, өнһөҙ генә
Илайһығыҙ микән түгелеп?...

Сәкинә ТОТМАНОВА, Р. Ғарипов исемендәге 1-се Башҡорт республика гимназия-интернаты уҡытыусыһы.

Читайте нас:

Теркәү тураһындағы ПИ ФС 77‑70646‑сы таныҡлыҡ 2017 йылдың 15 авгусында Элемтә, информацион технологиялар һәм киң мәғлүмәт сараларын күҙәтеү буйынса федераль хеҙмәт идаралығы тарафынан бирелде.

Ижтимағи-педагогик һәм фәнни-методик айлыҡ журнал Общественно-педагогический и научно-методический ежемесячный журнал. Издается с 1920 года. Главный редактор: Каримов С.Г.

Телефон

8(347) 292-77-63

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, Дом печати, 10 этаж

Редакция

8(347) 292-77-63

Ҡабул итеү бүлмәһе

8(347) 292-77-63

Хеҙмәттәшлек

8(347) 292-77-63