Мәктәбем

Әйҙә, рәхим итегеҙ, тип,
Ҡаршылай мәктәп һәр саҡ.
Тыуған йорт менән йәнәшә
Күңелдәрҙә ҡаласаҡ.

Ҡушымта:
Эй, тәнәфес, тәнәфес,
Ялыҡтырмай беҙҙе һис.
Һағынып көтөп алабыҙ
Мәктәптә сәғәт һайын.
Күп нәмәгә өлгөрөргә
Табып торабыҙ яйын.

Тәнәфес кенә булһа ла,
Ваҡыты уның оҙон.
Сөнки үҙенә йыйған бит
Мәктәптең бар ҡыҙығын.
Ҡушымта.
Баҫҡыстарҙан йүгертә лә,
Ишек алдын буйлата.
Кесеһен дә, олоһон да
Гөр килтереп уйната.

Ҡушымта.
Тәнәфесте яратмаған
Бала юҡтыр донъяла.
Тик ҡыҙғаныс, һәр ваҡыт ул
Саҡ ҡына етмәй ҡала.