Бөтә яңылыҡтар

Мәктәбем

Мәктәбем
Г. Юнысова һүҙҙәре, А. Имаева көйө
Аҙ ғына күрмәй торһам да,
Мәктәбемде һағынам.
Тыныс ҡына үтеп булмай
Ял көнө лә янынан.
Ҡушымта:
Мәктәбем баҫҡыстарында
Бала сағым эҙҙәре.
Нисек йәшәргә өйрәтә
Уҡытыусым һүҙҙәре.
Белем тауын асты мәктәп,
Белем тауы бик бейек.
Үргә менгән һайын донъя
Яҡтыра бара кеүек.


Ҡушымта.


Әйҙә, рәхим итегеҙ, тип,
Ҡаршылай мәктәп һәр саҡ.
Тыуған йорт менән йәнәшә
Күңелдәрҙә ҡаласаҡ.


Ҡушымта.
Тәнәфес
Г. Юнысова һүҙҙәре, А. Имаева көйө
Онотола тәнәфестә
“Икеле”ләр, “бишле”ләр.
Тәнәфестә бөтәһе лә
Аҡыллылар, көслөләр.


Ҡушымта:
Эй, тәнәфес, тәнәфес,
Ялыҡтырмай беҙҙе һис.
Һағынып көтөп алабыҙ
Мәктәптә сәғәт һайын.
Күп нәмәгә өлгөрөргә
Табып торабыҙ яйын.


Ҡушымта.


Тәнәфес кенә булһа ла,
Ваҡыты уның оҙон.
Сөнки үҙенә йыйған бит
Мәктәптең бар ҡыҙығын.
Ҡушымта.
Баҫҡыстарҙан йүгертә лә,
Ишек алдын буйлата.
Кесеһен дә, олоһон да
Гөр килтереп уйната.


Ҡушымта.
Тәнәфесте яратмаған
Бала юҡтыр донъяла.
Тик ҡыҙғаныс, һәр ваҡыт ул
Саҡ ҡына етмәй ҡала.


Ҡушымта.