+12 °С
Ямғыр
Бөтә яңылыҡтар
Башҡорт теле һәм әҙәбиәте
10 Декабрь 2019, 14:26
Тыуған илем – Әбйәлилем
Ай, тыуған ил, тыуған ил,
Кендегем береккән ил,
Башҡортостаным илемдә,
Йөҙөк ҡашым – Әбйәлил.
Эй, Әбйәлил, Әбйәлил,
Яҡты күлдәргә бай ил,
Ҡырҡтытауым – ҡырҡ мөғжизә,
Ҡыҙыл һыҙылып аҡҡан ил.
Бөгөн килеп Әбйәлилгә
Ҡул һуҙып, ер һаталар,
Курорт төҙөп, лагерь төҙөп
Үҙләштереп яталар.
Күрше Мәғнит Әбйәлилдә
Нимә генә төҙөтмәй?
Ауыл халҡын ҡол иттергәс,
Төҙөлөштә эш бөтмәй.
Мауыҙҙыла бизнес-центр,
Ял йорттары, лагерҙар.
Баш күтәрмәй хеҙмәт иткәс,
Донъя күрмәй ятырҙар.
Яҡтыгүлдең батҡағында
Кем генә рәхәтләнмәй?
Ошо күлдең рәхәтлеген
Тик башҡорт үҙе күрмәй.
Өскүлгә лә ҡул һуҙалар,
Абҙаҡты ла алдылар.
Тау шыуыу комплексы төҙөп,
Инәү һалып ҡуйҙылар.
Ял йорттары төҙөп ҡуйғас,
Ҡулыбыҙҙан остолар.
Ҡарабалыҡлым, Үләндем,
Мауыҙҙым, Яҡтыгүлем,
Тоҙлогүлем, һай, күлдәрем,
Китһәгеҙ, нишләр илем?
Кипһәгеҙ, нишләр илем?
Яттар ҡулына биргәнсе,
Булһаҡсы йүнселерәк?
Шул күлдә балыҡ үрсетһәк,
Булыр бит дөрөҫөрәк.
Игенбарҙың, Йомроғорҙоң,
Эйәкәнең сейәһе.
Тау яндырып, ҡороттолар
Түҙерме тау эйәһе?
Урал улы – Яйығым,
Минең бит тыуған яғым.
Яйыҡтан да яҙып ҡалғас,
Башҡорт нишләр һуң тағын?
Арҙаҡлы ил инәләре,
Сал сәсле аҡһаҡалдар,
Күрә тороп еребеҙҙе
Килмешәккә бирмәйек.
Еребеҙ бит – аманат,
Урал әйткән васыят,
Итһәк уға хыянат,
Йыуылырмы яманат?
Ғәфү итерме боронғолар,
Кисерерме киләсәк?
Ай, Уралым, Уралым,
Әбйәлилем, бергенәм,
Аҫабалар ере булып
Мәңге йәшә, ер генәм!
Башҡорттарым, еребеҙҙе
Киләсәккә һаҡлайыҡ!
Еребеҙҙе һатмайыҡ!
“Маңҡорт” исемен таҡмайыҡ!
Бөгөн – өйҙәш, ә иртәгә –
Өйһөҙ булып ҡалмайыҡ!
Ерһеҙ тороп ҡалмайыҡ!
Ә.Н. ЯЛМЫРҘИНА, Өфө ҡалаһының 98-се мәктәбе уҡытыусыһы.
Читайте нас:
© 2020-2024 Сайт издания "Башҡортостан уҡытыусыһы" Копирование информации сайта разрешено только с письменного согласия администрации.
Теркәү тураһындағы ПИ ФС 77‑70646‑сы таныҡлыҡ 2017 йылдың 15 авгусында Элемтә, информацион технологиялар һәм киң мәғлүмәт сараларын күҙәтеү буйынса федераль хеҙмәт идаралығы тарафынан бирелде.
Ижтимағи-педагогик һәм фәнни-методик айлыҡ журнал Общественно-педагогический и научно-методический ежемесячный журнал. Издается с 1920 года. Главный редактор: Каримов С.Г.
Телефон
8(347) 292-77-63
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 10 этаж
Редакция
8(347) 292-77-63
Ҡабул итеү бүлмәһе
8(347) 292-77-63
Хеҙмәттәшлек
8(347) 292-77-63