-19 °С
Болотло
Бөтә яңылыҡтар
Башҡорт теле һәм әҙәбиәте
16 Ғинуар , 13:56
Ассоциацияла яңы рәйес
Яңыраҡ юғары уҡыу йорттары араһындағы студенттар кампусында башҡорт теле уҡытыусыларының республика семинары үтте. Башҡортостан Республикаһының башҡорт, рус (туған) һәм башҡа туған телдәр һәм әҙәбиәт уҡытыусылары Ассоциацияһының эшмәкәрлегенә йомғаҡ яһалды. – Семинарҙа Ассоциация етәксеһе булараҡ эшләү дәүеремә йомғаҡ яһаным. 2019 йылдың октябрь айынан алып 2026 йылдың ғинуарына тиклем яуаплы эште үҙ иңемдә алып барҙым. Ошо дәүер эсендә эшләгән эштәр ҙә бихисап булған икән, тиҫтәләгән семинарҙар, оҫталыҡ кластары, барыһы ла тормошҡа ашҡан һәм ашмаған проекттар барыһы ла артта ҡалды. Ассоциацияның эшендә әүҙем ҡатнашҡан, минең эшемдә ярҙам иткән бар коллегаларыма ысын күңелдән рәхмәтемде еткерәм. Эш һөҙөмтәһенең бер өлөшө менән түбәндәге презентацияла таныша алаһығыҙ. Ә мин үҙ сиратымда Ассоциацияның яңы рәйесе Гөлфирә Рәйес ҡыҙына уңыштар теләйем! – тине Рифат Риф улы Әйүпов.
Ассоциацияла яңы рәйес
Милли мәғариф буйынса ресурс үҙәктең баш белгесе Гөлфирә Рәис ҡыҙы Миңлеәхмәтова тәжрибәле белгес, мәктәптә уҡытыусы, Өфө ҡалаһы мәғариф идаралығында методист вазифаларында эшләй. 2018 йылда «Башҡорт теле һәм әҙәбиәте йыл уҡытыусыһы» регион-ара конкурс лауреаты ла. Ресурс үҙәгендә уҡытыусыларҙың профессиональ конкурстары буйынса, балалар баҡсалары менән эшләй.
Яңы яуаплы эшендә уға уңыштар теләйбеҙ!
Ассоциацияла яңы рәйес
Новости партнеров