-5 °С
Ҡар
Бөтә яңылыҡтар
Башҡорт теле һәм әҙәбиәте
31 Ғинуар , 00:55
Һәр берегеҙҙең күңелендә йәйғорло йәм булһын!
«Китап» магазинының арт-залында Гөлназ Ҡотоеваның ижад кисәһе һәм «Йәйғорло йәм» китабының исем туйы үтте. Сараға шиғриәт һөйөүсе дуҫтары, коллегалары, студенттар килгән ине. Һәр кем шағирәнең шиғриәте тураһында үҙ фекерҙәрен әйтте һәм рәхмәттәрен белдерҙе. Гөлназ Мират ҡыҙы Ҡотоеваның шиғриәтендә хистәр һәм мөхәббәттең серлелеге ижадында ҙур урын алып тора. Уның шиғырҙарында мөхәббәт хисе үтә лә наҙлы һәм тулы итеп һүрәтләнә. Шағирә мөхәббәттең кешенең йөрәгендә ҡалдырған эҙҙәрен, уның ҡыуаныс һәм ҡайғыһын, бәхет һәм хәсрәтен бик тә нәфис тасуирлай. Йәрәк һайлай үҙенекен, Һайлай күңел ҡушҡанды. Яратмай ул ялағайҙы, Яратмай ул ҡуштанды. тип яҙа «Йөрәгеңде тыңла!» – тигән шиғырында. Кешеләргә иһә: Кеше кешеләргә кәрәк, Кеше кешегә терәк! Кеше булып йәшәү өсөн, Кеше кешегә кәрәк! – тип тә өндәшә. Шағирә Гөлназ Ҡотоеваның батырҙарға арналған шиғырҙары ла үҙенсәлекле. Ул үҙенең ижадында башҡорт халҡының тарихын, уның геройҙарын, ҡаһарманлыҡтарын данлай.
Һәр берегеҙҙең күңелендә йәйғорло йәм булһын!
Ижад кисәһендә шағирә моңло тауышы менән китап уҡыусыларҙы шиғриәт иленә сәйәхәт иттерҙе. Һәр кемде уйға ла, хискә лә сорнаны. Гөлназ Ҡотоеваның ижадында һәр һүҙ, һәр юл — ул кешеләрҙең күңеленә үтеп инерлек, уларға өмөт һәм илһам бирерлек бар донъяны асып бирә. Ижад кисәһе китап һөйөүселәргә күп хис-тойғолар бүләк итеп, башҡорт поэзияһының матурлығын һәм байлығын тағы бер тапҡыр иҫкә төшөрҙө. Һәр берегеҙҙең күңелендә йәйғорло йәм булһын!
Илзидә ЙОСОПОВА фотолары
Һәр берегеҙҙең күңелендә йәйғорло йәм булһын!
Новости партнеров