-9 °С
Ҡар
Бөтә яңылыҡтар
Башҡорт теле һәм әҙәбиәте
26 Февраль , 18:44
Өфөлә «Башҡорт теле һәм әҙәбиәте йыл уҡытыусыһы» төбәк-ара конкурсы башланды
«Башҡорт теле һәм әҙәбиәте йыл уҡытыусыһы» төбәк-ара конкурсы 31-се тапҡыр уҙғарыла. Конкурс өс турҙа үткәрелә. Бөгөн йәрәбә буйынса бер төркөм уҡытыусылар үҙҙәренең методик оҫталыҡтары менән уртаҡлашты. Конкурсанттар береһенән-береһе сағыу эштәрен, уҡыусылар менән эш һөҙөмтәләрен бәйән итте. Шулай уҡ төрлө уҡытыу алымдары менән таныштырҙы.
Өфөлә «Башҡорт теле һәм әҙәбиәте йыл уҡытыусыһы» төбәк-ара конкурсы башланды
Беренсе тур «Методик оҫтахана», «Дәрес» конкурс төрҙәрен үҙ эсенә ала. Унда уҡытыусылар предметты һәм методик компетенцияларҙы белеүен, таныш булмаған кластарҙа дәрестәр күрһәтә. Икенсе турҙа «Уҡыусылар менән һөйләшеү», «Оҫта уҡытыусы» конкурс төрҙәрендә ҡатнашыусылар педагогик оҫталыҡтарын, үҙҙәренең эш тәжрибәһе менән уртаҡлаша, уҡыусылар менән көнүҙәк социаль әһәмиәтле темаларға әңгәмәләшә.
Өсөнсө турҙа (ярымфиналда) конкурста ҡатнашыусыларға «Педагогик хәлдәр»ҙе сисеү тәҡдим ителә. Финалда, «Министр менән әңгәмә» конкурс төрөндә, уҡытыусылар Башҡортостан Республикаһының мәғариф министры И.М. Мәүлетбирҙин менән асыҡ диалогта мәғариф системаһының көнүҙәк мәсьәләләре буйынса аралашасаҡ Был тур йомғаҡтары буйынса конкурстың абсолют еңеүсеһе билдәләнә. Конкурста ҡатнашыусы уҡытыусыларға уңыштар теләйбеҙ!
Айрат Кирәйев фотолары
Өфөлә «Башҡорт теле һәм әҙәбиәте йыл уҡытыусыһы» төбәк-ара конкурсы башланды
Новости партнеров