-4 °С
Ҡар
Бөтә яңылыҡтар
Башҡорт теле һәм әҙәбиәте
1 Март , 18:34
Яҙҙың тыуған көнө
Зөлфирә Ҡарағужина Яҙҙың тәүге көнө менән, Төнө артта ҡалды инде. Яҙҙың наҙлы көнөн көтөп Тәҡәттәрем талды инде. Яҙҙың наҙлы көнөн көтә Һыу буйында үҫкән тал да. Тал көсөгөнә шатланған Сабый көтә, көтә сал да.
Яҙҙың тыуған көнө
Тал көсөгөнә шатлана
Күрсе, ана, ғашиҡтар ҙа.
Яҙҙың һулышынмы тойоп
Уйнап китә ҡашыҡтар ҙа.
Яҙҙың һулышынмы тойоп
Тау терелә, таш терелә.
Күрәһеңме, иркәләнеп
Ер кирелә, эй, кирелә.
Күрәһеңме, иркәләнә
Туң тойолған боҙҙары ла.
Әллә шәрбәткә әүерелә
Күңелдәге тоҙҙары ла.
Әллә шәрбәткә әүерелә
Яҙҙың танһыҡ һулышы ла.
Яҙҙы көтөп талған инем,
Һулышына тулышамын.
Яҙҙы көтөп талдым инде.
Яҙҙы көтөп алдым инде.
Яҙҙың тыуған көнөн ҡотлап
Шиғырҙарға һалдым инде.
Новости партнеров