+23 °С
Облачно
Башҡорт теле һәм әҙәбиәте
12 Мая , 16:06
Рәми Ғарипов миҙалының тәүге лауреаттарын ҡотлайбыҙ!
Яҙыусылар союзында Рәми Ғарипов миҙалын бүләкләү тантанаһы үтте. Әҙәби награда БР Яҙыусылар союзы тарафынан булдырылған. Башҡортостан әҙәбиәтен үҫтереүгә айырыуса ҙур өлөш индергән яҙыусылар, сәнғәт эшмәкәрҙәре, ижади замандаштар лайыҡ була. Оло награданың тәүге лауреаттары: Башҡортостандың халыҡ шағирҙары Ҡәҙим Аралбаев, Хәсән Назар, Гөлфиә Юнысова, Тамара Ғәниева, халыҡ яҙыусыһы Михаил Чванов, билдәле шағирә Дилә Булгакова, кинорежиссер Булат Йосопов, Өфө фән һәм технология университетының башҡорт филологияһы һәм шәрҡиәт факультеты деканы Гөлфирә Абдуллина, Мифтахетдин Аҡмулла исемендәге Башҡорт дәүләт педагогия университетының башҡорт филологияһы факультеты деканы Ләйлә Хөсәйенова һәм Салауат районы Арҡауыл ауылындағы Рәми Ғарипов музейы директоры Луиза Хәйретдинова лайыҡ булды. Быға тиклем был награда артист Артур Кәбировҡа тапшырылған ине.
Рәми Ғарипов миҙалының тәүге лауреаттарын ҡотлайбыҙ!
Мәртәбәле ваҡиға менән яҙыусыларҙы БР Дәүләт йыйылышы —Ҡоролтай депутаты Рәмзиә Кәримова тәбрикләне, союз эшмәкәрлегенең был эшен баһалап Айгиз Баймөхәмәтовҡа һәм идараға рәхмәтен еткерҙе. Сараны Өфө фән һәм технология университетының башҡорт филологияһы һәм шәрҡиәт факультетының концерт номерҙары биҙәне.
Рәми Ғарипов миҙалына лайыҡ булган лауреаттарҙы ҡотлайбыҙ, ижади уңыштар теләйбеҙ!
Сығанаҡ: Шәһит Хоһайбирҙин исемендәге йорт-музейынан
Фото: com
Рәми Ғарипов миҙалының тәүге лауреаттарын ҡотлайбыҙ!