+14 °С
Облачно
Башҡорт теле һәм әҙәбиәте
3 Сентября , 13:42
«Тел мөхите» йәштәр төбәк форумына рәхим итегеҙ!
Стәрлебаш районының «Авангард» лагерында «Тел мөхите» йәштәр төбәк форумы 6-9 сентябрҙә үтә. Унда 14–18 йәшлек 100 уҡыусы ҡатнашыу планлаштырылған. Башҡорт телендә аралашыу, уҡытыу һәм ижади мөхит булдырыу форумдың төп маҡсаты булып тора. Дүрт көн дауамында ҡатнашыусылар башҡорт телендә аралаша, бергәләп проекттар эшләй һәм төрлө сараларҙа ҡатнаша ала.
«Тел мөхите» йәштәр төбәк форумына рәхим итегеҙ!
Форум программаһында һөйләү телмәрен үҫтереү буйынса дәрестәр, лидерлыҡ һәм команда эше буйынса тренингтар, ижади лабораториялар, медиайүнәлештәр, блогинг, театр постановкалары, интеллектуаль уйындар һәм дискуссиялар ҡаралған. Шулай уҡ, социаль селтәрҙәрҙә башҡорт телен ҡулланыуҙың заманса ысулдарына айырыуса иғтибар биреләсәк. – Бөгөн үҫмергә телде белеү генә түгел, ә уның хәҙерге тормошта ҡайҙа һәм нисек ҡуллана алыуын аңлау ҙа мөһим. Шуға күрә беҙ тел аралашыу, ижад һәм үҙ-үҙеңде тормошҡа ашырыу ҡоралына әйләнгән мөхит булдырабыҙ. Ҡатнашыусыларҙың форумдан яңы белем менән генә түгел, «Башҡортса һөйләү заманса һәм ҡыҙыҡлы» тойғоһо менән ҡайтыуын теләйбеҙ, – ти Башҡорт телен һаҡлау һәм үҫтереү фонды директоры Гөлназ Йосопова.
Форумда ҡатнашыусы йәштәргә яңы ижади проекттар, үҫештәр теләйбеҙ!
6+
