«Ҡусты алып ҡайтығыҙ»

Йәнле, йәмле был сарала авторҙың хеҙмәттәштәре - радио-телевидение хеҙмәткәрҙәре, "Тамыр" телеканалы балалары, яҙыусылар, республика баҫмалары вәкилдәре ҡатнашты. Балалар авторҙың шиғырҙарын ҙур ихласлыҡ менән һөйләне, йырҙар менән ҡыуандырҙы. Йырсы Дамир Тайыповтың ғаилә сығышы ихласлығы менән һоҡландырҙы.
Башҡортостандың халыҡ шағиры Гөлфиә Юнысова, башҡорт балалар яҙыусыһы Фәрзәнә Ғөбәйҙуллина, шағирә Миңлегөл Тайсина һ.б. шиғырҙарҙың нәҡ балалар өсөн балаларса яҙылыуын билдәләне, авторға яңы уңыштар теләне. Нәшриәттең баш мөхәррире Зөлфиә Ҡарабаева матур китапҡа матур яҙмыш юраны.