+15 °С
Облачно
Барыһы ла Еңеү өсөн
9 Мая , 06:39
Олатайым тураһында һөйләү-минең изге бурыс!
Шәмиғол Азамат улы Азаматов Әбйәлил районынан сыҡҡан тәүге летчик. Ул Ташбулат ете йыллыҡ мәктәбендә, һуңынан Асҡар ауылында уҡый, тик аттестат алғансы түҙмәй, үҙенә артыҡ йәш өҫтәп яҙҙырып, Ҡыҙыл Армия сафына китә. Офицер булыу маҡсатында Ҡазан ҡалаһындағы өс йыллыҡ татар-башҡорт ҡыҙыл командирҙар әҙерләү мәктәбенә инә һәм уны уңышлы тамамлай. Тик яҡшы билдәләргә өлгәшкән курсантты уҡып бөткәс тә ҡайтармайҙар, взвод командиры итеп ҡалдыралар. Шул осорҙа яҡташы, буласаҡ Советтар Союзы Геройы Таһир Кусимов менән осраша. Был ваҡиғаға асыҡ дәлил — уларҙың ҡыҙылармеецтар кейемендә икәүләп төшкән фоторәсеме. Фоторәсемдә Шәмиғол Азамат улы өлкән сержант дәрәжәһендә, ә Таһир Тайып улы әлегә ябай һалдат. Летчик булыу теләге Шәмиғолды рабфакка уҡырға инергә этәрә.
Олатайым тураһында һөйләү-минең изге бурыс!
Артабан Пермь ҡалаһындағы хәрби авиация училищеһына уҡырға инә. Уны тамамлағас, Ҡыҙыл Армияның Пермь ҡалаһындағы Хәрби-Һауа флотында хеҙмәт итә. Әммә күп тә үтмәй, ғаилә хәле буйынса тыуған ауылына ҡайта. Өләсәйем Сәкинә Юлдаш ауылының иң һылыу ҡыҙына өйләнә ,Ҡарағол һәм Дамир исемле улдары үҫеп, уҡып лайыҡлы кеше булалар. Азаматовтар нәҫеле бөгөн дә дауам итә.
Шәмиғол Азаматов үҙенең фоторәсемдәре артына: «Беҙ киткәс тә хәтергә алығыҙ», тип яҙа торған булған. Хәтерләйбеҙ,ғорурланабыҙ!
Ләлә ЙӘНЕКӘЙЕВА-АЗАМАТОВА