+17 °С
Облачно
Краеведение
24 Мая , 13:14
«Сәсән уҙған юлдан һүҙ ҡала»
Әбйәлил тарих-тыуған яҡты өйрәнеү музейында «Сәсән уҙған юлдан һүҙ ҡала» исемле сара үтте. Сара башҡорт халҡының күренекле сәсән-импровизаторы, «Урал батыр», «Абуҙат», «Алпамыша» ҡобайырҙарының авторҙашы, «Саңдыүҙәк», «Томан», «Малбай», «Бүҙекәй кантон» йырҙары, «Перовский» маршы кеүек халыҡ араһында киң танылыу тапҡан әҫәрҙәр авторы Мырҙаҡай (Ишмөхәмәт) Мырҙаҡаев-Балапановтың тыуыуына 245 йыл тулыуға арналды.
«Сәсән уҙған юлдан һүҙ ҡала»
Был сараға райондың ағинәйҙәр ойошмаһы вәкилдәре, билдәле һүҙ оҫталары, сәсәниәләр – Әбүбәкирова Хәнифә Шәғиғәле ҡыҙы, Садыкова Вәсилә Зәйнулла ҡыҙы, Баймөхәмәтова Мәүҙиға Нәби ҡыҙы, Нурғәлиева Гөлнара Муллабай ҡыҙы саҡырылды.
Сараның төп биҙәге булып Асҡар ауылының «Тирмәкәй» балалар баҡсаһы тәрбиәләнеүселәренең сығышы булды. Тәрбиәселәре Сәитғәлинә А.В. һәм Ғүмәрова Г.Р. етәкселегендә балалар «Урал батыр» ҡобайырын сәхнәләштереп, өҙөк һөйләп, барлыҡ инәйҙәрҙе һәм ҡатын-ҡыҙҙарҙы хайран ҡалдырҙылар.
Асҡар музыка мәктәбе уҡыусыһы Мөхәмәтғәлин Илдандың (уҡытыусыһы Шәкиров И.Ә.) ҡурайҙа «Перовский» маршын башҡарыуы залға йыйылғандарҙың йөрәктәренә тәрән үтеп инде.
Башҡорт халҡының рухи мираҫы быуындан-быуынға тапшырылып килһен.
Сығанаҡ: Әбйәлил тарих-тыуған яҡты өйрәнеү музейы
«Сәсән уҙған юлдан һүҙ ҡала»