+20 °С
Облачно
Краеведение
24 Июля , 05:48
Башҡорт сәнғәтенең ҙур еңеүе: «Айтуған» ансамбле – донъя чемпионы!
Өфө фән һәм технологиялар университетының «Айтуған» халыҡ бейеүҙәр ансамбле Төркиәнең Истанбул ҡалаһында үткән Бөтә донъя халыҡ бейеүҙәре конкурсында триумфаль сығыш яһаны һәм төп бүләк – Победа кубогын яуланы! Бынан тыш, егет-ҡыҙҙарға 5000 доллар күләмендә аҡсалата премия ла тапшырылды.
Башҡорт сәнғәтенең ҙур еңеүе: «Айтуған» ансамбле – донъя чемпионы!
Конкурстың масштабы хайран ҡалдырырлыҡ ине: Истанбулға 37 илдән 45 бейеү коллективы йыйылды. Ҡатнашыусыларҙың күбеһе (70%-тан ашыуы) — профессиональ труппалар икәнлеген иҫәпкә алһаҡ, Башҡортостан студенттары үҙешмәкәр ансамбленең еңеүе - ысын мәғәнәһендә оло ҡаҙаныш!
Бер аҙна дауамында донъяның 2000-дән ашыу артисы ҡаланың иң күркәм сәхнәләрендә милли мәҙәниәттәрҙең байлығын бейеү аша күрһәтте. Европа, Азия, Африка һәм Латин Америкаһы эксперттарынан торған талапсан жюри һәр сығышты иғтибар менән баһаланы. Баһалағанда судьялар тик техника һәм музыканы ғына түгел, ә костюмдарҙың үҙенсәлекле булыуын һәм халыҡ традицияларына һаҡсыл мөнәсәбәтте лә иҫәпкә алды.
Көсөргәнешле конкурс көндәренән тыш, ҡатнашыусылар Босфор буйлап яхтала сәйәхәт итте. Истанбулдың гүзәл урындары буйлап экскурсия йөрөү артистарға онотолмаҫ тәьҫораттар бүләк итте.
«Айтуған» ансамблен оло еңеүҙәре менән ҡотлайбыҙ!
Башҡорт сәнғәтенең ҙур еңеүе: «Айтуған» ансамбле – донъя чемпионы!
