Беренсе сентябрь – Белем байрамы

Алып барыусы. Хәйерле иртә, хөрмәтле уҡытыусылар, ҡунаҡтар, ата-әсәләр, уҡыусылар! Беҙ һеҙҙең менән оло тантана – 1 сентябрь – Белем байрамына йыйылдыҡ.

Алып барыусы. Ә хәҙер, беренсе ҡыңғырау тантанаһына, мәктәпкә тәү тапҡыр аяҡ баҫыусы, белем донъяһы ишеген тәү башлап асыусы, беренсе класс укыусыһын саҡырабыҙ.

Ниндәй күңелле

Сентябрь башы.

Мәктәпкә илткән

Юлдар ҡояшлы.

Шатлана-көлә

Ата-әсәләр.

Ҡулдарҙа гөлдәр,

Алһыу сәскәләр.

Яғымлы иҫә

Хатта еле лә,

Ҙур байрам бөгөн

Тыуған илемдә.

Алып барыусы. Бөгөнгө тантананы асыҡ тип иғлан итергә рөхсәт итегеҙ.

Алып барыусы. Эйе, йәйге каникулдар күңелдәрҙә бай хәтирәләр ҡалдырып үтеп тә китте, мәктәп беҙҙе бөгөн яңынан үҙ тупһаһына йыйҙы. Мәктәп – татыу ғаилә ул. Барыбыҙға ла ошо ғаиләлә татыу йәшәргә, яңы дәрт һәм көс менән белем алырға, ныҡлы һаулыҡ, ижади уңыштарға ирешергә насип итһен.

1-се уҡыусы. Алтын көҙҙә, һалҡын ҡышта

Яҙғы матур көндәрҙә,

Беҙ киләбеҙ һиңә мәктәп

Шаулап, гөрләшеп бергә.

Мәктәптә күңелле булһын,

Дәрестәр еңел үтһен

Һәм беҙҙең өсөн асылһын

Бөтә серҙәре ерҙең.

Алып барыусы. Ҙур рәхмәт. Беҙҙе ҡотларға ҡунаҡтар ҙа килгән.

Алып барыусы. Бөтә сығыш яһаусыларға ла ҙур рәхмәт, ә хәҙер уҡыусылар “бүләген” ҡабул итегеҙ.

3-сө уҡыусы. Уҡытыусым!

Яҡты ҡояш һымаҡ

Ғумер буйы белем өләшә,

Үҙ яҙмышын бер яҡ ситкә ҡуйып

Меңәр яҙмыш өсөн көрәшә.

4-се уҡыусы. Уҡытыусым!

Ниндәй ғорурһың һин!

Изге теләк һинең күңелдә

Бөтәбеҙгә рухи илһам биреп

....................

Һәр йыл беренсе класҡа,

Ҡаршылайҙар мәктәптәр.

Ә бөгөн бигерәк күңелле

Килдек беҙ бәләкәстәр.

Бәләкәсһегеҙ тигәнгә

Һис тә үпкәләмәйбеҙ.

Күтәргән гөлләмәләрҙән

Үҙебеҙ күренмәйбеҙ.

Уйындар артта ҡалды,

Беҙ хәҙер уҡыусылар.

Киләсәктә ололарға

Булырбыҙ алмашсылар.

Атайым да, әсәйем дә

Ниңәлер тулҡынлана.

Әйтерһең дә беренсегә

Мин түгел, улар бара.

9-сы уҡыусы (Сығарылыш класы уҡыусыларына арнап).

Һеҙгә һуңғы уҡыу йылы

Башлана был минуттан,

Беренселәр исеменән

Теләйбеҙ бар йөрәктән:

Ҡыйыу алға барырға,

Дөрөҫ юлды табырға.

Шулай итеп бөгөн беҙгә

Сентябрь сәләм бирә

Билем, ғилемгә әйҙәп ул

Саҡыра мәктәбенә.

Алып барыусы. Ә хәҙер беренсе класс уҡыусыларын тәүге тапҡыр мәктәп тупһаһына саҡырыусы беренсе ҡыңғырау яңғыраясаҡ.

Эй, ҡыңғырау!

Ҙур уңыштар менән

Майҙа оҙатып ҡалдың.

Беренсе сентябрь еткәс,

Тағы саҡырып алдың!

(Беренсе һәм сығарылыш класының уҡыу алдынғыһы, яҡшы һөҙөмтәләргә ирешкән спортсмен балалар алмашлап ҡыңғырау шылтырата, балалар, класс етәксеһе менән бергә, уҡыу бүлмәләренә тарала.)