Башкортостанысь Шыр гуртын улӥсьёслэн кушемнимъёссы. Эскерон уж

Башкортостан Республикаысь Янаул ёросысь Каймашабаш гуртын (удмурт нимыз – Шыр), мукет гуртъёсын ӵошатыса, укыргес ярато кушемним тырыны адямилы. Вылэм сыӵе тунсыко учыръёс но: адями, 4-5 ар улыса но та гуртын, гуртоезлэсь зэмос нимзэ уг тоды: «Ӓндӓр абзи, яра-а тӥлесьтыд ведрадэс басьтыны?» Ӓндӓр – со милям школаысь кочегар, аслаз нимыз Рафик; исаськон нимыз, ми палан озьы шуо кушемнимез (ӟуч кылын «прозвище») – Ӓндӓр. Нош со адями, кудӥз гуртоезлэсь нимзэ уг тоды, - милям математикаен дышетӥсьмы. «Сётом-а меда, эн-а меда, öй ке исаськысалыд, сётысал, дыр, ведраме. Сёто ини «абзи» шуэмед понна ке но», - шуэм Рафик абзи (абзи – агай). Со дырысен Эвелина Павловна туж ӝикытэн тырше Каймаша гуртын улӥсьёслы вазиськыны.

Милям гуртамы кушемнимъёссын адямиос туж трос бере, мыным тунсыко потӥз:

Та юанъёс ик ӝутӥзы мынэсьтым мылкыдме «Башкортостанысь Шыр гуртын улӥсьёслэн кушемнимъёссы исследовательской уж борды кутскыны.

Кушемнимъёс паськыт вöлмемын удмурт калыкын но соослэн кылдемзы, аспöртэмлыксы öжыт эскеремын.

Кыӵе аспöртэмлыксы Башкортостанысь Каймашабаш гуртысь кушемнимъёслэн кылдэмзы но кутӥськемзы ласянь?

Каймашабаш (Шыр) гуртын улӥсь адямиослэсь кушемнимъёссэс эскероно кылдэмзы но кутӥськемзы ласянь.

- тодматсконо ономастикая но антропонимикая литератураен;

- Шыр гуртысь кушемнимъёслы лэсьтоно картотека;

- кушемнимъёсты пöртэм ласянь классифицировать кароно;

- нимаз басьтэм кушемнимъёслэсь кылдэмзэс валэктоно;

- эскероно кушемнимъёсты улонын кутӥськемзы ласянь.

Каймашабаш гуртын улӥсь калыклэн кушемнимъёсыз.

Утчаськон амал, анализ но огъян амал, юан-веран амал.

Кылъя урокъёсын ми тодматским аснимъёсын. Соосыз эскеронэн выре ономастика – кылтодослэн (лингвистикалэн) люкетэз. «Ономастика» термин кылдэмын «onomastik» грек кыл бордысь – «ним сётон искусство». Та терминэз 1887 арын дэмлаз португал кылтодосчи Ж. Лейте Васконсельва. Ономастикалэн вань ӟоскыт дисциплинаосыз но: антропонимика эскере адями нимъёсты, зоонимика – пудо нимъёсты, топонимика – инты нимъёсты но мукет. Кушемнимез луоз шуыны адямилэн кыкетӥ нимыз, но солы со сётӥське нокыӵе документэ – паспортэ, свидетельствое – гожтытэк.

Пиналэзлы анай-атай тырше чебер ним поныны, быръё сюлмазы кельшем ним, яке адӟем карымон муртлы сӥзьыса нимало, яке нимлэсь пуштроссэ лыдэ басьтыса. Ним адямилы сётӥське одӥг пол, собере быдэс улон соин артэ ветлэ. Но кыӵе ке вакытэ анай-атайен сётэм ним борды лякиське кушемним. Ӵем дыръя со луэ пичи дырысен ик. Ма со кушемним? Кушемним – со адямилы сямызъя, вылтусызъя сётэм ним. Озьы валэктэ С. И. Ожегов аслаз кыллюкамаз Но со котьку озьы öвöл. Шыр гуртысь кушем нимъёсты эскерыса, кылдӥз таӵе классификация.

Шыр гуртысь кушемнимъёсты эскерыса, тодӥм: ӵемгес кушем ним сётыло пиослы. 56 кушемнимо адямиос пöлысь 6 гинэ нылкышноос (Ушъяськись, Пöӟешым, Кузь Люба, Катэм, Бэлекей, Кöй Шарфа), «мен» кылын кылдэм нимъёсты но картсылэн кушемнимъёссыя верамъёсты лыдъятэк.

Кушем нимъёслэн улэмзы

Люкам материалэз эскерыса, вераны луоз, кушемним - адямилэн кыкетӥ нимыз. Соос кузёзылы аспöртэмлыко дунъет сёто. Но куд-ог кушемнимъёсын, огшоры нимъёсын ӵошатыса, адямилы уг вазисько, малы ке шуоно соос секыт кылӥсько.

Мон малпамъя, кушемнимъёслэн ванез-öвöлэз возьматэ мерлыклэсь лулчеберетья но вирсэрлы луонэзлэсь уровеньзэ. Гуртысьтымы туала егитъёс но пиналъёс асьсэ атай-песятайёссылэсь та ласянь вылӥынгес, дыр. Но кушемнимъёс, трос-а, öжыт-а, котьку луозы. Адямиез гинэ медаз ултӥялэ вал.