+20 °С
Ясно
Воспитание и дополнительное образование
19 Июня , 10:21
Ҡарабаш ауылы мәктәбе уҡыусылары 2 миллион һум отҡан!
Был турала Илеш районы хакимиәте башлығы Илдар Мостафин хәбәр итә. «Пятерочка» сауҙа селтәре «Сәләмәт Олимпиада Бөтә Рәсәй» онлайн-ярышына йомғаҡ яһаған. Унда быйыл илдең 90 төбәгенән 163 мең кеше ҡатнашҡан. Конкурста мәктәп уҡыусылары һәм уларҙың ата-әсәһе, уҡытыусылары 45 минут дауамында сәләмәт йәшәү рәүеше тураһында һорауҙарға яуап биргән.
Ҡарабаш ауылы мәктәбе уҡыусылары 2 миллион һум отҡан!
10,7 мең мәктәп араһында Илеш районының Ҡарабаш урта мәктәбе лә бар. Улар 2 миллон һум аҡсаға лайыҡ булған!
Был аҡсаға мәктәптә балалар фуд-блогы өсөн видео төшөрөү урыны булған үҙенсәлекле кулинария класы асырға ниәтләйҙәр.
Бынан тыш, мәктәпкә Х5 «Выручаем» шәфҡәтлек фондынан маҡсатлы аҙыҡ-түлек ярҙамы алыуға 200 мең һумлыҡ өҫтәмә ярҙам бүленгән.
Сығанаҡ: «Башҡорт донъяһы»
