21 февраль - Халыҡ-ара туған тел көнө

Туған тел 

       (Рэп өсөн трек)

Ҡотлайбыҙ, дуҫтар!
Ҙур байрам бөгөн.
Бөтә донъяла
Туған тел көнө!

Үткән быуаттан
Ул билдәләнә.
Хазина, тиеп
Тел ҡәҙерләнә!!

 Дауалау көсө –
Туған телеңдә!
Башҡортса һөйләш
Һин үҙ илеңдә!

Телеңә һөйөү
Өйҙә һалына.
“Атай, әсәй!”, тип
Телең асыла.

Бөтмәҫ хазина –
Туған телебеҙ!
Телдәргә бик бай
Беҙҙең илебеҙ!

Ҡайҙа булһаң да
Башҡортса һөйләш!
Матур һүҙҙәрҙе
Дуҫтарға өләш!

 
Башҡортса ғына
Аралашайыҡ!
Туған телде беҙ
Һис онотмайыҡ!

                     Башҡорт телем

                        (акрошиғыр)

Башҡорт теле – минең туған телем,

Ата-бабаларҙан ҡомартҡы!

Шул тел генә беҙҙе халыҡ итә,

Ҡотло итә беҙҙең тормошто!

Оло бәхет –  үҙ телеңде белеү,

Рух ныҡлығы – әсә телендә!

Тик башҡортса һөйләш башҡорт менән

Туған телдә  тыуған илеңдә!

Ерем, телем, илем – өс хазина,

Лайыҡ улар һәр саҡ ҡәҙергә!

Ете быуыныңа васыят ит –

М әңге һаҡланасаҡ хәтерҙә!