УҠЫТЫУСЫҒА ЯРҘАМҒА

                                               Йыл миҙгелдәре                                                                

                                                           Ғинуар

                                           Асайыҡ календарҙы –

                                           Ғинуар  башлай йылды.

                                           Ғинуарҙа ишек алды,

                                          Ҡалын ҡар менән тулды.

                                          Өй башында, күтәрмәлә,            

                                          Ҡояш балҡый зәңгәр күктә.

                                          Беҙҙең өйҙәге мейестән, 

                                          Төтөн өҫкә күтәрелә.                  

                                               Февраль                                                                                                           

                                         Елдәр олой торбала –  

                                         Февраль көндәре тора.

                                         Һепертмәле буран ерҙә –

                                         Ашығып ҡайҙалыр елә.

                                         Самолеттар күтәрелә,

                                         Иңләп оса күктең йөҙөн.

                                         Февраль айы байрам итә,

                                         Армияның тыуған көнөн.                                                         

                                                       Март

                                         Епшек ҡар мартта ҡарая,

                                         Боҙсоҡ ирей тәҙрәлә.

                                         Стенала, парта, картала                                                     

                                         Нур ҡуяны йүгерә.

                                                   Апрель

                                       Апрель айы  башланһа,

                                       Тамсы йыры башлана.

                                       Йырғанаҡ йүгерә ҡырҙа,                     

                                       Күләүек ята юлда.

                                      Ҡырмыҫҡалар иләүенән

                                      Күтәрелер йылыға.

                                      Урман   шырлығы эсенән

                                      Айыу  өңөнән сыҡты.

                                      Ҡоштар йыры яңғыраны,                                                                                                                                                                                              Күк умырзая ҡалҡты.

                                                    Май

                                    Байрамдың тәүге көнөндә                                                                

                                    Ландыш сәскәһен атты.                                                            

                                    Май сәскәләрен оҙатып,                                      

                                    Сирень бөрөһөн асты.

                                                   Июнь

                                   Июнь килде. Июнь айы! –

                                   Ҡоштар һайрай баҡсала.

                                   Бәпембәне өрөп ҡара,                                 

                                   Оса ул тирә-яҡҡа.                                                                                  

                                                 Июль                                                                            

                                  Бесән сабалар июлдә,

                                  Ҡайһы саҡ йәшен йәшнәй.

                                  Бал ҡорттарының йәш күсе,

                                  Ситкә күсергә уйлай.

                                              Август

                                 Август айында йыябыҙ,

                                 Йәйге уңыш емешен.

                                 Халыҡҡа шатлыҡ килтерҙе,

                                 Бөткәс барлыҡ эштәрен.                                                                 

                                           Сентябрь

                                 Аяҙ сентябрь айында,

                                 Ауылдар иген һуға.       

                                 Ҡоштар йылы яҡҡа оса, 

                                 Мәктәптәр ҙә асыла.                                            

                                            Октябрь                                                

                                 Октябрҙа, октябрҙа 

                                 Ямғыр йышыраҡ яуа.

                                 Сиңерткә йыры туҡтаны

                                 Үлән кипте болонда.

                                 Мейестәргә ҡышҡылыҡҡа,                                              

                                 Әҙерләнгән утын да.

                                              Ноябрь                      

                                 Етенсе ноябрь көнө –

                                 Ҡыҙыл көн календарҙа.

                                 Урамда тик ҡыҙыл төҫтәр,

                                 Ас тәҙ(е)рәңде, ҡара.

                                 Елберләй һәр бер ҡапҡала

                                 Алһыуланып байраҡтар.

                                 Музыка уйнай, күрә(һе)ңме,

                                 Үткән саҡта трамвайҙар.

                                 Азатлыҡ көнөн бар халыҡ

                                 Шатланып байрам итә.

                                 Минең ҡыҙыл шарым осто

                                 Бейеккә, зәңгәр күккә.

                                           Декабрь

                                Декабрҙә, декабрҙә

                                Бар ағас көмөшләнә.

                                Әкиәттәгесә йылғаға,

                                Ҡыш төнөн күпер һалған.                                                  

                                Шыршы килтергән урмандан,

                                Коньки, сана яңыртҡан.

                                Өйөбөҙҙөң йылыһына

                                Шыршы башта иланы.

                                Иртән илауҙан туҡтаны,

                                Еңел тын алып ҡалды.

                                Энәләре саҡ ҡыбырлый,

                                Ботаҡта ут ҡабынды.                               

                                Баҫҡыстан йүгергән кеүек        

                                Шыршы өҫтөнә ҡалҡты.

                                Алтын кеүек шыршылағы

                                Ялтырай һәр уйынсыҡ.    

                               Иң өҫтәге көмөш йондоҙ

                               Балҡып тора ут кеүек.

                               Йыл үтте, кисәге көндәй,

                               Төнөн Мәскәү куранты –

                               Кремль башняһы сәғәте,

                               Ун ике тапҡыр һуҡты.