+29 °С
Облачно
Файҙалы эштәр йылы
21 Марта 2023, 08:23
ИЖАДИ КОНКУРС һөҙөмтәләре билдәле булды!
21 март – Бөтә донъя шиғриәт көнө, 27 март – Халыҡ-ара театр көнө айҡанлы “Башҡортостан уҡытыусыһы” журналы иғлан иткән ИЖАДИ КОНКУРС һөҙөмтәләре билдәле булды! Шуныһы ҡыуаныслы: был ижади бәйгелә 3 йәштән алып 90 йәшкә тиклемге йәш арауығында, барлығы 35 конкурсант ҡатнашырға теләк белдерҙе. Әйтергә кәрәк, был юлы жюри ағзаларына иң-иңдәрҙе билдәләү бик ауыр һынау булды. Ҡатнашыусылар араһында бик көслө, таланлы шәхестәр бар. Шуға ла жюри конкурс шарттарынан тайпылмай, сығыштарҙың тасуири итеп башҡарылыуына ғына түгел, ә сәхнәләштереү кимәленә лә ҙур иғтибар бүлде.
ИЖАДИ КОНКУРС һөҙөмтәләре билдәле булды!
Шулай итеп,
ӨЛКӘНДӘР араһында еңеүсе тип Баймаҡ районы Таулыҡай ауылынан 90 йәшлек ағинәй - ГӘҮҺӘР ЯМАЛЕТДИН ҠЫҘЫ ҮҘӘНБАЕВА билдәләнде.
УҠЫТЫУСЫЛАР ҺӘМ ТӘРБИӘСЕЛӘР араһындағы төркөмдә еңеүселәр - РӘМИЛӘ САЛАУАТ ҠЫҘЫ РӘХИМОВА һәм РӘЙЛӘ МОСТАФА ҠЫҘЫ ИШКИЛДИНА.
МӘКТӘП ЙӘШЕНДӘГЕ БАЛАЛАР төркөмөндә - Баймаҡ ҡалаһы Балалар ижады үҙәге уҡыусылары ЙӘНГҮЗӘЛ БУРАНБАЕВА, АЛЬБИНА СЫРТЛАНОВА еңеүсе тип билдәләнде.
Етәксеһе: Дәүләтшина Әлмира Вәрис ҡыҙы.
БАШЛАНҒЫС КЛАСС УҠЫУСЫЛАРЫ төркөмөндә - Бөрйән районы Иҫке Собханғол мәктәбенең 2 класс уҡыусыһы Зөһрә Манапова еңеү яуланы.
Етәксеһе: Айытбаева Тамара Х.
БАЛАЛАР БАҠСАҺЫ ЙӘШЕНДӘГЕ балалар төркөмөнән еңеүҙе - "Өфө ҡалаһы 308-се Башҡорт балалар баҡсаһы" тәрбиәләнеүсеһе 3 йәшлек Элиза Вәлиева яуланы.
Етәксеһе: Кәримова Розалия Мансур ҡыҙы.
Еңеүселәрҙе ихлас ҡотлайбыҙ!
Барлыҡ ҡатнашыусыларға: уҡытыусыларға, уҡыусылырға, балаларға һәм уларҙы әҙерләгән етәкселәренә лә оло рәхмәт!
Ҡалған конкурсанттарҙы “Тамашасы һөйөүе” номинацияһында еңеүгә уңыштар теләп ҡалабыҙ!