+17 °С
Дождь
Файҙалы эштәр йылы
19 Апреля 2023, 11:00
20 АПРЕЛЬ БАШҠОРТ ТЕЛЕНӘН ХАЛЫҠ-АРА ДИКТАНТ ЯҘЫУ БУЙЫНСА КҮРҺӘТМӘЛӘР
Иҫегеҙгә төшөрәбеҙ, 20 апрелдә онлайн һәм офлайн форматта башҡорт теленән халыҡ-ара диктант үткәрелә. Акцияны ойоштороусылар —Башҡортостан Республикаһының Мәғариф һәм фән министрлығы, Мәҙәниәт министрлығы, Матбуғат һәм киң мәғлүмәт саралары агентлығы, Өфө фән һәм технологиялар университеты һәм Бөтә донъя башҡорттары ҡоролтайы менән берлектә Башҡорт телен һаҡлау һәм үҫтереү фонды.
20 АПРЕЛЬ БАШҠОРТ ТЕЛЕНӘН ХАЛЫҠ-АРА ДИКТАНТ ЯҘЫУ БУЙЫНСА КҮРҺӘТМӘЛӘР
Акцияла офлайн режимында ҡатнашыу өсөн түбәндәге майҙансыҡтар эшләй:
- Өфө фән һәм технологиялар университеты
- М.Аҡмулла исемендәге Башҡорт дәүләт педагогия университеты
- Башҡортостан Республикаһының Мәғарифты үҫтереү институты
- Башҡортостандың Милли музейы
- «Арт-Квадрат» арт-киңлеге.
Офлайн майҙансыҡтар исемлеген акцияның рәсми сайтында ҡарарға һәм теркәлергә мөмкин.
20 апрелдә Башҡортостан юлдаш телевидениеһы телеканалында, «Бәйләнештә» социаль селтәрендә, телеграм-каналда диктаторҙар диктант тексын тура эфирҙа уҡый башлай:
— сәғәт 11.00 - 12. 25 тиклем – башҡорт телен башланғыс кимәлдә белгәндәр өсөн;
— сәғәт 11.30 - 12.00 тиклем – башҡорт телендә иркен аралашҡандар өсөн;
— сәғәт 12.05 - 12.30 тиклем – башҡорт теленең төньяҡ-көнбайыш диалектында һөйләшкәндәр өсөн.
Яҙып бөткәс, диктант яҙылған ҡағыҙҙы фотоға төшөрөп, 2023 йылдың 23 апреленә ҡәҙәр Bashdiktant2023@mail.ru электрон почтаһына йәки телеграм-ботҡа ебәрергә кәрәк.
Акцияның рәсми йомғаҡтары 30 көн эсендә https://bashdictant.ru/ сайтына урынлаштырыла.
