+8 °С
Облачно
Файҙалы эштәр йылы
6 Мая 2023, 06:46
ҺУҒЫШ ЙЫЛДАРЫ ЙЫРҘАРЫ
- Бер саҡ төн уртаһында уянып киттем. Фатирыбыҙҙа һаран ғына шәм яна. Стенала ниндәйҙер күләгә аҫылмалы сәғәт теле кеүек тигеҙ генә хәрәкәт итә. Миңә ҡурҡыныс та, ҡыҙыҡ та булып китте. Баҡһаң, атайым бармаҡтарын бөгөп ниндәйҙер ритмға һелтәп-һелтәп ала икән. Шунан шиғырының тәүге юлдарын тапты шикелле — йәнләнеп китте. “Башҡорттар китте һуғышҡа, оҙатып ҡалды күк Урал,” тип бышылдап яҙыу машинкаһында туҡылдай башланы. Артабанғы юлдар ҙа оҙаҡ көттөрмәне: “Ат уйнатып алдан бара Шайморатов генерал”, - тип иҫләй был йырҙың яҙылыу тарихын авторы Ҡадир Даяндың ҡыҙы, Луиза апай.
ҺУҒЫШ ЙЫЛДАРЫ ЙЫРҘАРЫ
Ошо йырҙы иҫкә алайыҡ, бергәләп йырлайыҡ...
Шайморатов генерал
Ҡ. Даян һүҙҙәре
З. Исмәғилев музыкаһы
Башҡорттар китте һуғышҡа,
Оҙатып ҡалды күк Урал;
Ат уйнатып, алда бара
Шайморатов генерал.
Совет иле өсөн яуҙа
Кисте һыуҙы, уттарҙы;
Дошмандарға ябырылғанда,
Утлы дауыл ҡуптарҙы.
Шайморатов яу ҡырында
Дошмандарҙы көл иткән:
Утта янмай, һыуҙа батмай,
Һай, батыр ҙа ир икән.
Совет халҡы тыуған илдән
Ҡыуҙы яуыз дошманды;
Бер туғандай, үтәнеләр
Изге Ватан ҡушҡанды.
Ватан өсөн йән ҡыҙғанмай
Һинең улдарың, Урал;
Шулар менән дошман ҡырҙы
Шайморатов генерал.
Новости партнеров
