Башҡортостанда "Остаз" конкурсы башланды

Конкурс республика буйынса бер нисә зонала үткәреләсәк. Еңеүселәр 14 декабрҙә билдәләнгән Башҡорт теле көнөндә финалда осрашасаҡ.
Бөгөнгө тәүге зона ярышында Өфө ҡалаһының ете районынан һәм ике республика гимназияһынан 9 команда ҡатнашты. Команда составында директорҙар, уларҙың урынбаҫарҙары, башҡорт теле һәм әҙәбиәте уҡытыусылары, методистар, тәрбиәселәр бар ине.
Улар Өфө ҡалаһының Совет, Ленин, Калинин, Орджоникидзе, Октябрь, Киров, Дим райондарының, Өфө ҡалаһындағы 1-се һәм 2-се полилингваль гимназияларҙың данын яҡланы.