Төп приз - автомобиль!

"Башҡортостан" гәзите хәбәр итеүенсә, 26 августа Ишембай ҡалаһында ҙур ваҡиға көтөлә: Рәсәйҙең төрлө төбәктәренән килгән ҡатнашыусылар, көслө жюри, “Ретро” осорондағы яратҡан йырҙар... Ә төп приз – автомобиль!

II “Ретро-шлягер” асыҡ вокал конкурсы ул. Ижади ярыш ике этапта буласаҡ. Беренсеһе - һайлап алыу туры - 15 авгусҡа тиклем онлайн форматта үтә. Икенсеһе 26 августа ҡаланың Мәҙәниәт йортонда ойошторола. Конкурста профессиональ башҡарыусылар ҙа, һәүәҫкәр йырсылар ҙа ҡатнаша ала. Ике йәш категорияһы буйынса ярышасаҡтар – 16-нан 35 йәшкәсә һәм 36 йәштән өлкәнерәктәр. Ҡатнашыу өсөн заявканы 15 авгусҡа тиклем [email protected] электрон адресына ебәреп өлгөрөргә кәрәк.

Конкурстың ҡағиҙәләре менән https://vk.com/dvorezkultura?w=wall-135451946_4594 һылтанмаһы буйынса инеп танышырға мөмкин. Өҫтәмә мәғлүмәт +7 (914) 096-58-67, +7(986) 702-29-47 телефондары аша бирелә.

Фото: Ишембай районы хакимиәте.