-1 °С
Болотло
Бөтә яңылыҡтар
Файҙалы эштәр йылы
24 Май 2024, 10:26
Халыҡ-ара китап йәрминкәһенә кил, журналға яҙыл һәм бүләк от!
Өфөлә Халыҡ-ара “Китап байрамы” йәрминкәһе бына-бына асылырға тора. Фестиваль 24 майҙан 26-һына тиклем ҡаланың Совет майҙанында һәм уға терәлеп торған урамдарҙа уҙғарыласаҡ.
Халыҡ-ара китап йәрминкәһенә кил, журналға яҙыл һәм бүләк от!
Фестивалдә “Республика Башҡортостан” Нәшриәт йорто “Изге подписка” акцияһын ойоштора. Һәр теләгән кеше, үҙенә оҡшаған республика, ҡала һәм район баҫмаһына яҙылып, МХО-ла ҡатнашыусы ғаиләләренә, тыл хеҙмәтсәндәренә, туғандарына, яҡындарына бүләк итә, шулай уҡ эстафетаны дуҫтарына тапшыра ала.
Башҡортостан Яҙыусылар союзы рәйесе, Башҡортостан Республикаһы Дәүләт Йыйылышы - Ҡоролтай депутаты, “Шоңҡар” йәштәр журналының баш мөхәррире Айгиз Баймөхәмәтов: “Республикала беҙҙең гәзит-журналдарҙы юғары баһалайҙар. “Изге подписка” акцияһы фестивалдең әһәмиәтле ваҡиғаларының береһе булыр тип уйлайым. Яҡшы мәғлүмәт таратҡан әйбер менән бүлешеү – кешенең күңел байлығын, изгелеккә ынтылышын күрһәтеүсе сифаттар ул”.
Әйткәндәй, "Китап байрамы" барышында "Изге подписка"ла ҡатнашыусылар араһында көн дә сәғәт киске 6.00 бүләк отоу уйыны ойоштороласаҡ. Бүләктәр бик шәп: сымһыҙ ҡолаҡсын һәм Power Bank.
Новости партнеров