Журналистика кафедраһы асылыуға - 35 йыл

Билдәле булыуынса, Өфө фән һәм технологиялар университетының башҡорт филологияһы, шәрҡиәт һәм журналистика факультетында журналистика кафедраһы 1989 йылда рус филологияһы факультеты нигеҙендә булдырыла. Ә 1990 йылда башҡорт филологияһы факультеты асыла, бүлек унда күсерелә.

Журналистика бүлегенең тәүге етәксеһе тип Бөйөк Ватан һуғышы ветераны, яҙыусы Миҙхәт Ғәйнулинды атайҙар.
 
Статистикаға күрһәтеүенсә, республика медиатармағында эшләүселәрҙең 90 проценты журналистика бүлегендә белем алған. Улар Башҡортостандың барлыҡ теле һәм радиокомпанияларында, газета һәм журналдарында күпләп хеҙмәт итә.

Кафедраның 35 йыллыҡ күркәм байрамына радио, телевидение, ваҡытлы матбуғат хәбәрселәре, студенттар һәм уҡытыусылар йыйылды. Уҡыу йортонда "Журналист. Профи" түңәрәк өҫтәл уҙҙы, Матбуғат фестивале үтте.