“Әңгәмә” этабы бара!

Конкурс шарттары буйынса уҡытыусылар ят класта, бер нисә көн алдан билдәләнгән тема буйынса әңгәмә ҡора.

Ә 11 мартта “Башҡорт теле һәм әҙәбиәте йыл уҡытыусыһы – 2025” регион-ара конкурсының “БАШҠОРТ ТЕЛЕ ҺӘМ ӘҘӘБИӘТЕ УҠЫТЫУСЫҺЫНА ҺОРАУ БИР (ПРЕСС-КОНФЕРЕНЦИЯ)” этабы үтәсәк, тип хәбәр итә конкурс ойоштороусылары.

Уның сиктәрендә конкурстың ойоштороу комитеты “Башҡорт теле уҡытыусыһына һорау бир!” акцияһын иғлан итә.

Башҡорт теленә, мәҙәниәтенә, тарихына, тәрбиә һәм белем биреү мәсьәләләренә бәйле һорауҙарҙы һәр кем: уҡыусы, уҡытыусы, ата-әсәләр, журналистар, дәүләт һәм йәмәғәт эшмәкәрҙәре – кемдәр теләй, барыһы ла бирә ала!!!

Бының өсөн һорауығыҙҙы видеоға яҙҙырыуығыҙ һәм [email protected] электрон почтаһына ебәреүегеҙ һорала.

Иң ҡыҙыҡлы һәм көнүҙәк һорауҙар “Башҡорт теле һәм әҙәбиәте йыл уҡытыусылары менән пресс-конференция”ла яңғыраясаҡ.