+25 °С
Ясно
Файҙалы эштәр йылы
22 Мая 2025, 10:13
"112-се Башҡорт кавалерия дивизияһы батырлығы һәм даны" конференцияһы үтте
21 майҙа Өфө сауҙа-иҡтисади колледжында Советтар Союзы Геройы Георгий Ветошников иҫтәлегенә арналған "112-се Башҡорт кавалерия дивизияһы батырлығы һәм даны" III Асыҡ фәнни-практик конференцияһы үтте.
"112-се Башҡорт кавалерия дивизияһы батырлығы һәм даны" конференцияһы үтте
Конференцияла йәмәғәт эшмәкәрҙәре, БРмәғариф һәм фән министрлығы хеҙмәткәрҙәре, ғалимдар, колледж уҡытыусылары, студенттары ҡатнашты.
Асыҡ конференцияла республиканың 20-нән ашыу урта һөнәри белем биреү ойошмаһы эшләп, уларҙың студенттары 112-се Башҡорт кавалерия дивизияһының 79 Геройы хаҡында 79 доклад әҙерләне.
Бөйөк Ватан һуғышының героик ваҡиғалары, кавалерия дивизияһы хәрбиҙәре батырлыҡтары, Георгий Ветошников шәхесе иғтибар үҙәгендә торҙо.
Сараның тәүге өлөшөндә саҡырылған ҡунаҡтар сығыш яһаны, артабан республика колледждарың 14 студентының доклады тыңланылды.
