Йәштәрҙе сағыу сара көтә

Концерт Рәсәй йәштәре көнөн байрам итеү хөрмәтенә ойошторола.

Сара 28 июндә, шәмбе, Ағиҙел йылғаһы буйында “Торатау” Конгресс-холы амфитеатры аҫтында үтәсәк. Социаль селтәрҙәрҙә Башҡортостандың йәштәр сәйәсәте министры Вито Сабиров хәбәр итеүенсә, йәштәр өсөн VR-зона һәм төрлө уйындар, билдәле блогерҙар һәм иң яҡшы артистар менән осрашыу, аниме-косплей зонаһы, автотауыш һәм тюнинг күргәҙмәһе, фәнни слэм һәм йәштәр маркеты буласаҡ.

Сара 15:00 сәғәттә башлана, унда ҡатнашыу бушлай. Байрамды республиканың Йәштәр сәйәсәте министрлығы 14-35 йәштәге уҡыусылар, студенттар, сығарылыш уҡыусылары һәм хеҙмәтсән йәштәр өсөн ойоштора.

Фото: Йәштәр сәйәсәте министрлығы. 

"Башҡортостан" гәзитенән