Уятмасы, әсәй...

Моратов Юлай Хәким улы – уҡытыусы, үҙешмәкәр композитор, йырсы. РСФСР-ҙың халыҡ мәғарифы от­личнигы, Башҡортостан Республикаһының атҡаҙан­ған уҡытыусыһы. Үҙешмәкәр композиторҙарҙың асыҡ фес­тиваль-конкурсы лауреаты. Ике йөҙҙән ашыу йыр һәм күп кенә спектакль көйҙәренең авторы. Ҡатыны Айһылыу Солтан ҡыҙы менән 10 бала үҫтереп, бө­тә­һенә лә музыкаль белем бирәләр. Йыл һайын Сибай ҡа­лаһында уның иҫтәлегенә үҙешмәкәр композиторҙар кон­курсы ойошторолоп тора.

Мин иҙәндә йоҡлап ятам әле
Бала саҡта, алтын иртәлә.
Һин уятма мине, зинһар әсәй,
Уятмайса ғына иркәлә.

Ебәрергә теләмәгән кеүек,
Ыңғырашып ишек асылыр.
Унан тартыр ҡапҡа, унан инде
Дүрт тарафы ерҙең саҡырыр.

Уятмасы. Уятмайса ғына
Ҡалсы, әсәй, шулай янымда.
Юғиһә мин һине юғалтырмын,
Ҡала алмам бала сағымда.

 https://vk.com/audio454811254_456239234