Бөтә яңылыҡтар
Краеведение
2 Июль 2021, 11:56

Надежда Бабкина Өфөлә

Өфөгә Бөтә донъя фольклориадаһы илсеһе Надежда Бабкина килде.  

Надежда Бабкина Өфөлә

Рәсәйҙең халыҡ артисы Надежда Бабкина 3 июлдә «Өфө-Арена» боҙ һарайында Бөтә донъя фольклориадаһын асыу тантанаһында «Рус йыры» ансамбле менән бергә сығыш яһай.

Был көндә шулай уҡ Кубань казак хоры, «Гжель» академия бейеү театры, Асҡар Абдразаҡов, Тина Кузнецова һәм Башҡортостан Республикаһы ансамблдәре сығыштары ҡаралған.

Бөтә донъя фольклориадаһы дүрт йылға бер тапҡыр уҙғарыла. Рәсәйҙә фестиваль 3-10 июлдә уҙа, унда донъяның 37 иленән 1100-гә яҡын артист ҡатнаша. Фестиваль программаһы Өфөлә һәм Башҡортостан Республикаһының 22 муниципалитетында үтә.