Бөтә яңылыҡтар
Новости
8 Июнь 2019, 22:34

Иң мөһиме – халыҡтың хәүефһеҙлеген хәстәрләү

Санкт-Петербург халыҡ-ара иҡтисади форумында Башҡортостан Башлығы вазифаһын ваҡытлыса башҡарыусы Радий Хәбиров Рәсәй Президентының Волга буйы федераль округындағы тулы хоҡуҡлы вәкиле Игорь Комаров һәм “Роспотребнадзор” етәксеһе Анна Попова менән осрашты.
Һөйләшеүҙә ҡулланыусылар хоҡуғын яҡлау өлкәһендә берҙәм эшмәкәрлек алып барыу, санитар һәм эпидемиологик күҙәтеү тармағында, балаларҙы йәйге һауыҡтырыу кампанияһы мәлендә хәүефһеҙлекте тәьмин итеү мәсьәләләре ҡаралды.
Осрашыуҙа шулай уҡ Өфөлә 9-14 июлдә үтәсәк Халыҡ-ара йәйге балалар уйындарына әҙерлек тураһында һүҙ булды.
“Сара барлыҡ гигиена һәм санитар-эпидемиологик талаптарға яуап бирергә тейеш, ярышта ҡатнашыусыларҙы сифатлы, хәүефһеҙ туҡландырыу менән тәьмин итеү мөһим”, – тине Анна Попова.
Осрашыуҙа “Йәмәғәт сәләмәтлеген нығытыу” федераль проектын тормошҡа ашырыу мөмкинлектәре ҡаралды. Билдәле булыуынса, ул “Демография” милли проектына инә.
Автор: Д. ИШМОРАТОВА.
https://bash.rbsmi.ru/articles/s-y-s-t-m-kho-u/i-m-ime-khaly-ty-kh-ef-e-legen-kh-st-rl-/
Читайте нас в