+8 °С
Болотло
Бөтә яңылыҡтар
Новости
26 Август 2019, 16:02
Афоризмдар
Ҡаһарманлыҡ тураһында афоризмдар
* * *
Бер нәмәнән дә ҡурҡмаусы һәм хаҡлыҡ менән йәшәүсе һәр кеше үҙ Ватанының абруйын күтәрә.
Р. Роллан
* * *
Ысын батырлыҡ бәлә килгәндә асыла.
Ф. Вольтер
* * *
Ҡаһарманлыҡ башҡа төр яҡшы сифаттар үҫеше өсөн кәрәк. Тәүәккәл булмайынса хаҡлыҡты табыу ҙа, мөхәббәтте һаҡлау ҙа мөмкин түгел.
М. Ганди
* * *
Әйбер юғалтһаң — эҙҙе юғалтырһың, намыҫыңды юғалтһаң — күпте юғалтырһың, тәүәккәллегеңде юғалтһаң — бөтәһен дә юғалтырһың.
И. Гете
* * *
Патриот — Ватанға хеҙмәт итеүсе, ә Ватан — иң әүәл халыҡ ул.
Н. Г. Чернышевский
* * *
Идеал — юл күрһәтеүсе йондоҙ. Унһыҙ аныҡ йүнәлеш юҡ, йүнәлешһеҙ тормош та юҡ.
Л. Н.Толстой
* * *
Башҡалар бәхетенән тыш шәхси бәхеттең булыуы мөмкин түгел.
Н.Г.Чернышевский
Хеҙмәт тураһында афоризмдар
Мәҙәниәте юғары булған һайын хеҙмәт юғары баһалана.
В. Рошер
* * *
Яратып эшләгән кеше һәр төрлө хеҙмәтте лә шиғриәтле итә.
Н. Г. Чернышевский
***
Кеше хеҙмәт ярҙамында камиллаша.
В. Г. Белинский
* * *
Хеҙмәт кешелә ижади көс уята.
А. Н. Толстой
***
Кешенең бөтә нәмәһе лә: йөҙө лә, кейеме лә, күңеле лә, уйҙары ла матур булырга тейеш.
А. П. Чехов
* * *
Кешенең холҡо — уның күңел көҙгөһө.
И. Гете
***
Уйланмаған эшкә тәүәккәл булма, уйланғандан һуң тәүәккәл бул.
Л. Н. Толстой
* * *
Кеше ҡылығын тикшергәндә тәүҙә үҙеңдекен баһала.
Л. Н. Толстой
***
Башҡаларҙа нимәне хупламайһың, шуларҙың үҙеңдә булыуынан һаҡлан.
Катон Старший
Ғәҙеллек тураһында афоризмдар
***
Уйҙағы хаталар һүҙҙәрҙәге хатаны, һүҙҙәрҙәге хаталар эштәге хаталарҙы барлыҡҡа килтерә.
Д.И. Писарев
***
Йөрәктән сыҡҡан һүҙ йөрәккә инә.
Низами
***
Нимәне булһа ла, башҡаларға әйткәнсе, тәүҙә үҙеңә әйтеп ҡара.
Сенека
***
Ҡыҫҡа телмәр һәр саҡ йөкмәткеле була һәм көслө тәьҫир ҡалдыра.
М. Горький
* * *
Аҡыллының теле — йөрәгендә, аҡылһыҙҙың йөрәге — телендә.
П. В. Шелгунов
* * *
Бары өҫтән-мөҫтән булған белем һәм ышанысһыҙ уйланыуҙар ғына самаһыҙ лығырҙауҙарға килтерә.
Б. Гальдос
* * *
Дөрөҫлөктө әсе булһа ла тыңла.
Кабус
***
Дөрөҫлөк — йәшәү өсөн икмәк кеүек үк иң ҡәҙерле нәмә.
Л. Берне
***
Дөрөҫлөк — кешелә намыҫтың еңеүе ул.
М.М. Пришвин
***
Ғәҙеллек — йәшәү һулышы, һәр төрлө булдыҡлылык нигеҙе.
Т. Драйзер
Читайте нас:
© 2020-2024 Сайт издания "Башҡортостан уҡытыусыһы" Копирование информации сайта разрешено только с письменного согласия администрации.
Теркәү тураһындағы ПИ ФС 77‑70646‑сы таныҡлыҡ 2017 йылдың 15 авгусында Элемтә, информацион технологиялар һәм киң мәғлүмәт сараларын күҙәтеү буйынса федераль хеҙмәт идаралығы тарафынан бирелде.
Ижтимағи-педагогик һәм фәнни-методик айлыҡ журнал Общественно-педагогический и научно-методический ежемесячный журнал. Издается с 1920 года. Главный редактор: Каримов С.Г.
Телефон
8(347) 292-77-63
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 10 этаж
Редакция
8(347) 292-77-63
Ҡабул итеү бүлмәһе
8(347) 292-77-63
Хеҙмәттәшлек
8(347) 292-77-63