Шаяндар һәм отҡорҙар

2021 йылдың 19 февраленән 19 мартҡаса «Шаяниум» тапҡырҙар һәм отҡорҙар уйының XIX осрашыуы үтәсәк. Ул Сәләмәтлек һәм әүҙем оҙон ғүмерлелек йылына арналасаҡ.

Сараның маҡсаты – уҡыусылар араһында КВН хәрәкәтен күтәреү, уҡыусыларҙы милли, мәҙәни һәм йәмәғәт эштәренә ылыҡтырыу. Конкурс «Хәрәкәттә – бәрәкәт» темаһы буйынса ойошторола. Командалар «Сәләмләү»ҙә халыҡтың сәләмәтлеген нығытыу һәм һаҡлау, физик әүҙемлекте, туризмды үҫтереүҙе дәртләндереү, әүҙем ял итеү рәүешенә булышлыҡ итеү темаларын асып һаласаҡ. Ә «Вайндар конкурсы»нда Башҡорт тарихы йылына бағышланған ҡыҫҡа метражлы роликтар күрһәтеләсәк.

«Шаяниум – 2021» тапҡырҙар һәм отҡорҙар уйыны финалы 19 мартҡа тәғәйенләнгән. Ҡала мәҙәни-ял итеү үҙәгендә еңеүселәр һәм призёрҙар тәбрикләнәсәк.