Башҡортостан уҡытыусыһы
+10 °С
Болотло
Бөтә яңылыҡтар
Новости
11 Март 2021, 13:12
Сәскәләр
Ҡыуанып киткән Рәйсә – Күҙҙәренән нур сәсә, «Ҡыш бабай, – ти, – яһағанТәҙрәбеҙгә ҡар-сәскә». ...
Сафуан Әлибай
Сәскәләр
Ҡыуанып киткән Рәйсә –
Күҙҙәренән нур сәсә,
«Ҡыш бабай, – ти, – яһаған
Тәҙрәбеҙгә ҡар-сәскә».
Нәғимә лә, шатланып,
Сәскәһен таба һалды;
Нурланған гөлөн күреп,
Нурйыһан өнһөҙ ҡалды.
Үҙенә көлөп торған
Гөлөн күргән Айгөл дә;
Ләйсән сәбәкәй итә –
Бер ҙә тиккә түгел дә.
Һәр беренә Ҡыш бабай
Бүләк иткән ҡар-сәскә.
Әйтегеҙсе: тәҙрәлә
Нисә сәскә нур сәсә?
Читайте нас: