Башҡортостанда йәшәүсе өс меңдән ашыу кеше Worldskills программаһында ҡатнашасаҡ

2021 йылда Башҡортостанда йәшәүселәр Worldskills программаһы аша эшкә урынлашыу өсөн өҫтәмә бушлай белем аласаҡ.

Был программала эш менән тәьмин итеү үҙәгендә тороусылар, 50 йәштән өлкән эшһеҙҙәр, декрет отпускыһында булған йәки мәктәпкәсә йәштәге бала ҡараусы ҡатындар ҡатнаша ала (ғаризаны «Работа в России» trudvsem.ru порталында тултыра алалар).

Программаның эстәлегенә ингән 170 йүнәлеш буйынса көндөҙгө бүлектә һәм шулай уҡ ситтән тороп та 3 ай дауамында белем үҙләштерергә була.