Радий Хәбиров шәхси ташыусының «Лотос» маркалы яңы автобустары менән танышты

10 февралдә Башҡортостан Башлығы Радий Хәбиров Өфөнөң Дим районында «Автомиг» яуаплылығы сикләнгән йәмғиәте майҙансығында «Лотос» маркалы ҙур класлы ҡала автобусының презентацияһында ҡатнашты.

Уларҙы Ҡытайҙың Beiqi Foton Motor («Бейджи Фотон Мотор», Foton йөк машиналарын һәм автобустарын сығара) компанияһы менән берлектә «РариТЭК» компанияһы етештерә.

LOTOS-105 автобусы экономиялы газ-мотор двигателе, ныҡлы шасси менән йыһазландырылған. Автобус 92 пассажирҙы йөрөтөргә мөмкин. Уҙған йылдың декабренән 258-се Дим – Инорс маршрутында 35 автобус эшләй. Ул Менделеев һәм Беренсе май урамдары аша «Көмөш шишмә» биҫтәһе – «Сағыу» биҫтәһе – Өфө ағас эшкәртеү комбинаты йүнәлешендә йөрөй. Маршрут даими.

Дүшәмбенән тағы 35 яңы автобус Өфө урамдарына сыға. Уларҙың барыһын да «Автомиг» яуаплылығы сикләнгән йәмғиәте һатып алған. Ул был аҙнала ғына республикала теркәлгән.

«Улар Октябрь проспекты, Йәшел сауҡалыҡ һәм Салауат Юлаев проспекты аша Черниковканан аэропортҡа йөрөй башлай. Был яңы маршрут, беҙ уны һынап ҡарайбыҙ. Пассажирҙарҙың үтенесе буйынса төҙәтмәләр ҙә индерергә мөмкин. Шуныһы мөһим: был дәүләт автобустары түгел. Автобустарҙы беҙҙең үтенес буйынса шәхси пассажир ташыусылар һатып ала. Әйткәндәй, пассажир автобустарының уртаса «йәше» буйынса Волга буйы федераль округында алдынғы урынға сыҡтыҡ. Уларға башлыса 3-4 йыл. Бер нисә йыл элек 10 йылдан ашыуыраҡ йөрөгәндәр бар ине», – тип яҙҙы Башҡортостан Башлығы социаль селтәрҙәге сәхифәһендә.

«Автомиг» яуаплылығы сикләнгән йәмғиәте 23 йыл инде Мәскәү өлкәһе, Ярославль, Ярославль өлкәһе һәм Пермь маршруттарында эшләй. Компанияның штаты 800 кешенән тора. 2020 йылда компанияның әйләнеше – 849 миллион һум, ә былтыр 1,74 миллиард һум тәшкил иткән.

https://www.bashinform.ru/news/economy/2022-02-10/radiyu-habirovu-prezentovali-novye-avtobusy-bolshogo-klassa-marki-lotos-chastnogo-perevozchika-2688042

Радий Хәбиров шәхси ташыусының «Лотос» маркалы яңы автобустары менән танышты

Автор:Гульшат Байназарова

Читайте нас:

Об использовании персональных данных

Теркәү тураһындағы ПИ ФС 77‑70646‑сы таныҡлыҡ 2017 йылдың 15 авгусында Элемтә, информацион технологиялар һәм киң мәғлүмәт сараларын күҙәтеү буйынса федераль хеҙмәт идаралығы тарафынан бирелде.

Ижтимағи-педагогик һәм фәнни-методик айлыҡ журнал Общественно-педагогический и научно-методический ежемесячный журнал. Издается с 1920 года. Главный редактор: Каримов С.Г.

Телефон

8(347) 292-77-63

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, Дом печати, 10 этаж

Редакция

8(347) 292-77-63

Ҡабул итеү бүлмәһе

8(347) 292-77-63

Хеҙмәттәшлек

8(347) 292-77-63