Нәрисә Уйылданова, Әбйәлил районының Рауил мәктәбе уҡытыусыһы - Торна тауышы

     Торна тауышы

Ишетелде таныш бер моң –
Торналар ҡысҡырыуы,
«Торрыйҡ-торрыйҡ, беҙ килдек” –
Һағышлы моң ауазы…
“Тороғоҙ, ҡалҡып баҫығыҙ,
Һеҙ – Салауат тоҡомо!
Минең ише күтәрелеп,
Ер-һыуҙарҙы байҡағыҙ!
Һағынып ҡайттыҡ беҙ илде,
Гүзәл ғәзиз еркәйҙе,
Ҡайтҡан һайын йәме китә
Беҙҙең тәбиғәт-өйҙөң…”
Күңел тулды, хатта ҡоштар
Илай икән һағыштан.
Их, үрнәк алырға ине
Ошо ябай бер ҡоштан…
Сыңлап китте, йән әрнетер
Ишетәм төҫлө бер моң,
Тарих төпкөлөнән сыға
«Сыңрау торна” тигән йыр…