Салауат башҡорт драма театры Мөнир Ҡунафиндың әҫәре буйынса спектакль әҙерләй

Төп героиня Нәфисәне өс актриса башҡарасаҡ. Улар Башҡортостандың атҡаҙанған артистары Нәүфилә Яҡупова, Наҙгөл Иҫәнбаева, Миңзилә Ҡотошева. Премьера көндө Наҙгөл Иҫәнбаева сығыш яһаясаҡ.

Шулай уҡ ролдәрҙе башҡарыусылар: Иҙрис – Юнир Мансуров, Радмир Дәүләтбаев, Рәсүл – Әмир Үтәбаев, Сара инәй – Башҡортостандың атҡаҙанған артисткаһы Гөлфирә Сәфиуллина, Хәсән ҡарт – Башҡортостандың атҡаҙанған мәҙәниәт хеҙмәткәре Рөстәм Фазылов, күмәк сәхнәләрҙә – Лилиә Байгилдина, Элвира Йәрмөхәмәтова, Нәфисә Мәжитова, Йәнгүзәл Халикова һәм Гөлфинә Ибәтуллина.

– Йәш режиссер Лиана Ниғмәтуллинаның эксперименталь алымдары тамашасылар өмөтөн уҙып китергә вәғәҙә итә. Иң мөһиме яңы спектакль тәрән кисерештәр һәм уйланыуҙар уятыр тип өмөтләнәбеҙ, – тип белдерәләр театрҙа.

Мәғлүмәт БР Мәҙәниәт министрлығы сайтынан алынды.