Бөтә яңылыҡтар
Новости
24 Ноябрь , 11:49

Быйыл Яңы йыл байрамдарында нисек ял итәбеҙ?

Башҡортостан Ғаилә, хеҙмәт һәм халыҡты социаль яҡлау министрлығынан яңы йыл байрамдарында ял көндәре тураһында билдәле булды.

Быйыл Яңы йыл байрамдарында нисек ял итәбеҙ?
Быйыл Яңы йыл байрамдарында нисек ял итәбеҙ?

«Хеҙмәт ҡануниәтенә ярашлы (Рәсәй Хеҙмәт кодексының 112-се статьяһы), 1, 2, 3, 4, 5, 6 һәм 8 ғинуар – яңы йыл каникулдары, 7 ғинуар – Раштыуа – байрам көндәре булып тора. 2023 йылда 1 һәм 8 ғинуарҙағы байрам көндәре йәкшәмбегә тура килә. Рәсәй Хөкүмәте ҡарары менән 1 ғинуарҙағы ял көнө 24 февралгә, йомаға, 8 ғинуарҙағы ял иһә 8 майға, дүшәмбегә күсерелде. 2022 йылда 31 декабрь шәмбегә тап килә.

Шулай итеп, 2022 йылдың 31 декабре һәм 2023 йылдың 1, 2, 3, 4, 5, 6, 7, 8 ғинуары ял көндәре булып иҫәпләнә», – тиелә ведомство белдереүендә.

Йыллыҡ төп йәки өҫтәмә түләүле отпуск бирелгәндә 1, 2, 3, 4, 5, 6, 7, 8 ғинуарҙағы байрам көндәре отпускының календарь көндәре иҫәбенә индерелмәй.

Сығанаҡ: “Башинформ”.

Автор:Альфия Сагитова
Читайте нас в