Апрель айына бәйле халыҡ һынамыштары

Апрель дә етте: ер асылды, көндәр йылытты, боҙҙар китте... Йылыға һыуһаған күңел ҡояш нурҙарына ҡыуана. Көндәр гел ошолай йылы торормо? Халыҡ хәтерендә был айға бәйле ниндәй күҙәтеүҙәр һаҡланып ҡалған?

Апрель аҙаҡтарында йылы ямғырҙар яуһа, игендәр яҡшы булыр.
Апрелдең алтыһында аяҙ булһа, йәй ҡоро килер, болотло булһа, ашлыҡ уңыр.
Апрель артыҡ йылы булһа, май һалҡын, елле-ямғырлы булыр.
Апрель баштарында торна тауышы ишетелһә, ай бөткәнсе көндәр матур торор.
Ағастар бөрөләрен аҫтан яра башлаһа, яҙ тиҙ килә.
Апрель етһә, яҙ етер, иреп ағып ҡар китер.
Апрелдә йылғаларҙа боҙ шәп аҡһа, уңыш яҡшы булыр.
Апрелдә көндөҙ эҫе, төндә һыуыҡ булыуы – йылы йәйгә.
Апрелдә ҡайын һыуы күп аҡһа, йәй ямғырлы булыр.
Апрелдә ҡарлуғастар килмәһә, һалҡын яҙға.
Апрелдең һуңғы ун көнөндә ямғыр яуһа, уңыш мул булыр.
Апрель яртыһында торна ҡысҡырһа, йыл яҡшы килә.
1 апрелдә көн торошо ниндәй, октябрҙең беренсе көнө лә шундай булыр.
1 апрелдә күктә йондоҙҙар күренмәһә, йылы көндәр көтөлә.
2 апрелдә йылғаларҙа боҙ шәп аҡһа, уңыш яҡшы булыр. Был көндә һалҡындар тормаһа, ҡоштар парлашһа, йәй йылы килер.
3 апрелдә ҡояш ҡалҡҡанда нурҙары һары икән – яҡшы көндәргә.
4 апрелдә иртән ҡояш тирәләй ҡыҙыл һыҙат күренһә – йәшелсә уңышына.
5 апрелдә ҡайын һыуы күп булһа, тимәк, йәй ямғырлы килә.
6 апрелдә һандуғас һайраһа – йылыға, ҡыҙылтүш һайраһа – һыуыҡҡа.
7 апрелдә ҡыйыҡта ҡар булһа, тағы бер ай самаһы ҡар ятыр.
8 апрель ниндәй булһа, 8 октябрь ҙә шундай.
9 апрелдә әтәс көндөҙ ҡысҡырмаһа, ике-өс көндән яуым-төшөм көт.
10 апрелдә ҡояш ҡалҡҡанда асыҡ ҡыҙыл төҫтә булһа һәм болоттар юғалһа – ямғырға.
11 апрелдә болоттар юғары һәм шәп йөҙһә – яҡшы көнгә, аҫта икән – ямғырға.
12 апрелдә тәүге күк күкрәүе ишетелһә – йылы йәйгә.
12 апрелдә бәпембә сәскә атһа, йәй ҡыҫҡа булыр.
13 апрелдә иртән ваҡ күҙле ямғыр яуһа, йәй ҙә ямғырлы була.
14 апрелдә гөрләүектәр шәп аҡһа, үлән мул үҫер.
15 апрелдә йылғалар боҙҙарынан ташып аҡһа, бесән мул булыр.
15 апрелдә йылғалар ярҙарынан сыҡһа, үлән шәп булыр һәм бесәнгә иртә төшөү күҙаллана.
16 апрелдә йылғаларҙа һаман боҙ китмәһә, был йылда балыҡ насар ҡабыр.
17 апрелдә болоттар өҫтә бик шәп йөҙһә, аяҙ көндәр көтөлә.
18 апрелдә көндөҙ йылы, төндә һалҡын икән – көн торошо яҡшы булыр.
19 апрель елһеҙ, тыныс булһа, иген уңыр.
20 апрелдә күктә йондоҙҙар күп икән – бәшмәк уңышына.
21 апрель ҡояшлы булһа – матур йәй, болотло икән – ямғырлы йәй.
22 апрелдә ел, томан кеүек тәбиғәт күренештәре күҙәтелһә, уңыш мул булыр.
23 апрелдә төш алдынан ялбыр болоттар йыйылһа, кискә ямғыр көт.24 апрелгә тиклем ҡар һыуҙары ағып бөтмәһә, тимәк, яҙ һуң килә.
24 апрелдә гөрләүектәр аҡмаһа, яҙ һуң килә, йәй насар була.
25 апрелдә ҡояш томанлы күренһә, ашлыҡ уңа.
26 апрелдә баҡа тауышын ишетһәң, һоло сәс.
27 апрелдә еңел болоттар ҙур һороларын үтеп китһә, кис ямғыр яуа.
28 апрель тирәһендә бер нисә көн рәттән көньяҡтан ел иҫһә – яуынға.
29 апрелдә йәйғор сыҡһа – насар көн торошона.
30 апрелдә бал ҡорттары сейә сәскәһенә ҡунһа, сейә уңыр.
Ҡайын һыуы күп булһа, тимәк, йәй ямғырлы килә.
Ҡоштар яҙын иртә килһә, йәйен ҡоролоҡ көт.
Сыйырсыҡ иртә килһә, көндәр йылы булыр.
Торна иртә килһә, яҙ оҙаҡ тормаҫ, тиҙ йылытыр.
Яҙ көнө йылғала һыу артмаһа, ашлыҡ уңмаҫ.

Автор:Гульшат Байназарова

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде

Теркәү тураһындағы ПИ ФС 77‑70646‑сы таныҡлыҡ 2017 йылдың 15 авгусында Элемтә, информацион технологиялар һәм киң мәғлүмәт сараларын күҙәтеү буйынса федераль хеҙмәт идаралығы тарафынан бирелде.

Ижтимағи-педагогик һәм фәнни-методик айлыҡ журнал Общественно-педагогический и научно-методический ежемесячный журнал. Издается с 1920 года. Главный редактор: Каримов С.Г.

Телефон

8(347) 292-77-63

Электрон почта

[email protected]

Адресы

450079, Республика Башкортостан, г. Уфа, ул. 50-летия Октября, 13, Дом печати, 10 этаж

Редакция

8(347) 292-77-63

Ҡабул итеү бүлмәһе

8(347) 292-77-63

Хеҙмәттәшлек

8(347) 292-77-63