Радий Хәбиров республика мосолмандарын Ҡорбан байрамы менән ҡотланы

Бөгөн бөтә уйҙарыбыҙ – Тыуған ил яҙмышы хаҡында. Бөтә мосолман өммәте Украинала фашизмға ҡаршы алышҡан Рәсәй һуғышсылары өсөн доға ҡыла.

Дин әһелдәре бөгөн беҙҙең егеттәр менән алғы һыҙыҡта, уларға рухи ярҙам итә. Мосолмандар һәм башҡа конфессиялар вәкилдәре махсус операцияла ҡатнашыусыларға, Рәсәйҙең яңы төбәктәрендә йәшәүселәргә баһалап бөткөһөҙ ярҙам күрһәтә.

Бөгөнгө изге байрам беҙҙең һуғышсыларға ауыр хәрби хеҙмәттәрендә еңеү яулау өсөн көс бирһен. Тыуған яҡтарына иҫән-имен ҡайтһындар. Ә беҙҙе Ҡорбан байрамы татыу ижади хеҙмәткә, изге эштәргә йүнәлтһен.

Барығыҙға ла рух ныҡлығы, тыныслыҡ һәм именлек теләйем!

Башҡортостан Республикаһы Башлығы Радий Хәбиров