Рәмил Ғиниәт улы Мәжитов иҫтәлегенә Спартакиада үтте

Ярыштар башланыр алдынан ғалимдар, уҡытыусылар, журналистар һәм "Рәмил Мәжитов хаҡында һүҙ" китабының авторҙары, төҙөүселәре ҡатнашлығында түңәрәк өҫтәл ойошторолдо.
Р.Ғ. Мәжитов төрлө йылдарҙа Күгәрсен районының мәғариф бүлеге етәксеһе, райондың хакимиәт башлығы, Башҡортостан Республикаһының Үҙәк һайлау комиссияһы председателе һәм 10 йылдан ашыу Мәғарифты үҫтереү институты ректоры булып эшләне. Ошо йылдарҙа "Башҡортостан уҡытыусыһы" журналының әүҙем редколлегия ағзаһы булды.
Ҡайҙа ғына эшләмәһен, ул тәү сиратта оло йөрәкле, фиҙакәр педагог һәм остаз, изге күңелле һәм ихлас кеше булды.
Тыныс йоҡла, Рәмил Ғиниәт улы!..
Матур йөкмәткеле сараны ойоштороусыларға ҙур рәхмәт!