"Башҡорт теле һәм әҙәбиәте йыл уҡытыусыһы - 2024" конкурсы ҡыҙыу төҫ ала

Бөгөн бәйгенең дүртенсе көнө бара. Таныш булмаған класта асыҡ дәрес күрһәтеү һәм үҙ дәресеңә анализ яһау этабы дауам итә. Уҡытыусылар ижади ҡараш һәм методик белемлелектә көс һынаша.

Жюри фекеренсә, төрлө кимәлдәге дәрестәр бар. Шулай ҙа ижади эшләүсе уҡытыусыларҙың күберәк булыуы ҡыуандыра.

“Дәрес” этабының иртәгә һуңғы көнө. Был мәртәбәле конкурста ҡатнашыусы барлыҡ уҡытыусыларға ла уңыштар теләйбеҙ!