Тура эфирҙа Башҡорт теленән халыҡ-ара диктант яҙҙырыусылар менән танышып үтәйек: - башҡорт телен башланғыс кимәлдә белеүселәр өсөн диктантты милли батырыбыҙ, Рәсәй Геройы Миңлеғәли Шайморатов образында Башҡортостандың атҡаҙанған артисы, М.Ғафури исемендәге Башҡорт дәүләт академия драма театры актеры Артур Зиннур улы Кәбиров уҡый. - башҡорт телендә иркен аралашыусылар өсөн диктантты Башҡортостан республикаһының мәҙәниәт министры, Башҡортостандың халыҡ артисы Әминә Ивний ҡыҙы Шафиҡова яҙҙыра; - ә башҡорт теленең төнъяҡ-көнбайыш диалектында диктант тексын педагогия фәндәре докторы, профессор, Рәсәйҙең атҡаҙанған фән эшмәкәре, Башҡортостандың Мәғарифты үҫтереү институты ректоры Әлфис Суфиян улы Ғаязов уҡый.