Бөгөн "Башҡортостан Республикаһы" нәшриәт йортонда Башҡортостан республикаһы Эске эштәр министрлығы урынбаҫары, эске хеҙмәт генерал-майоры Евгений Полтавецтың журналистар менән ВКС аша осрашыуы үтте.
Ҡыҙғанысҡа ҡаршы, радио-телевидение, гәзит-журналдар һәм Интернет аша мутлашыусыларҙың эшмәкәрлеге хаҡында еткереп торған киҫәтеүҙәрҙе халыҡ ишетмәй. Был бәлә уларға бер ҡасан да ҡағылмаясаҡ, тип уйлай. Ләкин килтерелгән һандар арта ғына бара, тине генерал-майор.