+13 °С
Ясна
Новости
29 Август 2024, 08:29
Аҙ тәьмин ителгән ғаилә статусын нисек юлларға?
Килеме төбәк йәшәү минимумынан түбән булған ғаиләләр һәм яңғыҙ кешеләр ташламаларға — балалар пособиеһына, торлаҡ-коммуналь хеҙмәттәр өсөн түләүгә субсидияға, шулай уҡ адреслы ярҙам, мәҫәлән, бушлай аҙыҡ-түлек алыуға иҫәп тота ала.
Ташлама алыу өсөн аҙ тәьмин ителгән тигән статусты рәсми раҫларға кәрәк. Бының өсөн социаль яҡлау органына йәки йәшәү урыны буйынса Күп функциялы үҙәккә ғариза бирегеҙ.
Ғаризаға:
- ғаилә ағзаларының паспорттарын;
- никах, балалар тыуыу тураһындағы таныҡлыҡтар һәм ғаилә хәле тураһындағы башҡа документтар;
- ғаилә составы тураһында белешмә йәки йорт китабынан өҙөмтә;
- һуңғы 3 айҙағы эш хаҡы һәм башҡа килемдәр, шул иҫәптән социаль түләүҙәр, пособиелар һәм пенсиялар тураһындағы белешмәләрҙе беркетегеҙ.
➡ Һеҙгә өҫтәмә документтар кәрәк булыуы мөмкин. Тулы исемлекте ошонда ҡарарға була: vk.cc/czr0pR.
Әгәр ғаилә бөтә талаптарға яуап бирһә, һеҙгә аҙ тәьмин ителгәндәр статусын раҫлаусы белешмә биреләсәк, һәм шул белешмә нигеҙендә ташламалар алырға мөмкинһегеҙ.
#Аңлатабыҙ_Башҡортостан
